দেশত যোৱা কিছু দিনৰ পৰা সাংঘাটিকভাৱে বৃদ্ধি পাবলৈ ধৰিছে ক’ৰ’নাৰ সংক্ৰমণ। ২৪ ঘণ্টাৰ অন্তৰালত স্বাস্থ্য মন্ত্ৰ্যালয়ে জাৰি কৰি থকা তথ্যই ইয়াৰ ভয়াবহতাৰ ইংগিত বহন কৰিছে।
স্বাস্থ্য মন্ত্ৰ্যালয়ে জানিব দিয়া মতে, ভাৰতত বিগত ২৪ ঘণ্টাত ২৯১০৫ গৰাকী লোক ক’ৰ’নাত আক্ৰান্ত হৈছে। আনহাতে মৃত্যু হৈছে ৫০০ গৰাকী ৰোগী।
বিগত কিছুদিনৰ পৰা প্ৰতিদিনে ২৫ হাজাৰৰো অধিক লোক ক’ৰ’নাত আক্ৰান্ত হৈ আহিছে যদিও কালিৰ সংখ্যাটো সৰ্বাধিক।
দেশত এতিয়া ক’ৰ’না আক্ৰান্ত ৰোগীৰ সংখ্যা হৈছে ৯,০৬,৬১৭ গৰাকী আৰু মৃত্যু হৈছে ২৩,৭২৭ গৰাকী।
উল্লেখ্য যে দেশত এতিয়া ৩,১০,৯২৮ গৰাকী ৰোগী চিকিৎসাধীন হৈ থকাৰ বিপৰীতে ৪,৭১,৫৭৮ গৰাকী ক’ৰ’না মুক্ত হৈছে।
ক’ৰ’নাৰ সংহাৰ হ্ৰাস নাপালেও ভাৰতৰ বাবে এটাই সুখবৰ যে ক’ৰ’নাৰ চিকিৎসা চলি থকা ৰোগীৰ সংখ্যাতকৈ ক’ৰ’না মুক্তৰ সংখ্যা অধিক।
উ্লেখ্য যে, আক্ৰান্তৰ সংখ্যাৰে পৃথিৱীৰ আটাইতকৈ শ্কতিশালী দেশ আমেৰিকা শীৰ্ষ স্থানত থকাৰ বিপৰীতে দ্বিতীয় স্থানত উপনীত হৈছে ভাৰত।
সোমবাৰলৈকে দ্বিতীয় স্থানত ব্ৰাজিল আছিল যদিও ভাৰতত কিছু দিনৰ পৰা তীব্ৰ হাৰত বৃদ্ধি পাইছে সংক্ৰমণৰ ঘটনা। যাৰ বাবে আক্ৰান্তৰ সংখ্যাৰে দ্বিতীয় স্থানত উপনীত হ২ল ভাৰত।
ভাৰতত সৰ্বাধিক মহাৰাষ্ট্ৰ, তামিলনাডু আৰু দিল্লীত ক’ৰ’নাই প্ৰভাৱ বিস্তাৰ কৰিছে।
