কালি গ্ৰেপ্তাৰ কৰা প্ৰাক্তন মুখ্যমন্ত্ৰী হিতেশ্বৰ শইকীয়াৰ পুত্ৰ অশোক শইকীয়াৰ জামিন মঞ্জুৰ কৰিছে আদালতে।কাইলৈ পুনৰ আদালতত শুনানি হ’ব এই গোচৰৰ। আদালতৰ নিৰ্দেশ মৰ্মে পুনৰ মঙলবাৰে হাজিৰ হ’ব লাগিব অশোক শইকীয়া।
কামৰূপ মহানগৰ জিলা বিশেষ ন্যায়াধীশ আদালতে মঞ্জুৰ কৰিলে জামিন।৯ লাখ টকাৰ ঋণ লৈ পৰিশোধ নকৰাৰ অভিযোগ উত্থাপন হৈছিল শইকীয়াৰ বিৰুদ্ধে।
পল্টন বজাৰ থানাত অশোক শইকীয়াৰ বিৰুদ্ধে ৰুজু হৈছিল গোচৰ। পৰৱৰ্তী সময়ত চিবিআইলৈ হস্তান্তৰ কৰা হৈছিল এই গোচৰটো।
চিবিআয়ে এটা নিশা নিজৰ জিম্মাত ৰখাৰ পিছতে জামিন পালে অশোক শইকীয়াই।এছকাৰ্ড বেংকৰ ঋণ কেলেংকাৰীৰ গোচৰ সন্দৰ্ভত কালি CBI ৰ এটা দলে গ্ৰেপ্তাৰ কৰিছিল শইকীয়াক।
202/1998 নম্বৰত এই সম্পৰ্কত পল্টন বজাৰ থানাত ৰুজু হৈছিল গোচৰ।
২০০১ চনত CBI লৈ হস্তান্তৰ হৈছিল এই গোচৰ।
CBI ৰ কলকাতা শাখাত 5/E/2001 আৰু 6/E/2001 নম্বৰত গোচৰ ৰুজু হৈছিল অশোক শইকীয়াৰ বিৰুদ্ধে।
২০১৩ চনত 6/E/2001 গোচৰত দোষী সাব্যস্ত হৈছিল অশোক শইকীয়া।
উল্লেখ্য যে অশোক শইকীয়াক বিজেপি চৰকাৰে ৰাজনৈতিক আক্ৰোশেৰে গ্ৰেপ্তাৰ কৰিছে বুলি অভিযোগ কৰিছিল অসম প্ৰদেশ কংগ্ৰেছে।
