ডিব্ৰুগড়ত কৰা পৰীক্ষাত নিজামুদ্দিনৰ জামাতলৈ যোৱা ২৮গৰাকী ব্যক্তিৰ দেহত COVID-19ৰ বীজাণু পোৱা হোৱা নাই।
ডিব্ৰুগড়ৰ পৰা দিল্লীৰ জামাতলৈ যোৱা এই ২৮জন লোকৰ তেজৰ নমুনা বুধবাৰে সংগ্ৰহ কৰা হৈছিল।
“আমি ২৮টা নমুনাই নিগেটিভ পাইছো। বুধবাৰে আমি নমুনা সংগ্ৰহ কৰি COVID-19ৰ পৰীক্ষা কৰিছিলো,” স্বাস্থ্য বিভাগৰ এজন বিষয়াই জানিবলৈ দিয়ে।
পৰৱৰ্তী সময়ত এই লোকসকলৰ তেজৰ নমুনা পুনৰ পৰীক্ষা কৰা হ’ব।
জিলা যুটীয়া স্বাস্থ্য সেৱা সঞ্চালক নৱজ্যোতি গগৈয়ে জনোৱা মতে জিলাখনত ৩৬০০ লোকক ঘৰত আছুতীয়াকৈ ৰখা হৈছে।
এই লোকসকল আন ৰাজ্যৰ পৰা বিমান আৰু ৰেলযোগে অসমলৈ আহিছিল।
“কিছুসংখ্যক লোক COVID-19 থকা অঞ্চলৰ পৰা আহিছিল। তেওঁলোকৰ স্বাস্থ্য দৈনিক নিৰীক্ষণ কৰি থকা হৈছে,” তেওঁ কয়।
অসমত এতিয়ালৈকে ১৬ গৰাকী লোকক COVID-19 পজিটিভৰূপে চিনাক্ত কৰা হৈছে। দিল্লীতো চাৰিজন লোক চিকিৎসাধীন হৈ আছে।
এই সকলো লোকেই নিজামুদ্দিনৰ জামাতত অংশগ্ৰহণ কৰিছিল বুলি জানিব পৰা গৈছে।
ভাৰতত কৰ’নাভাইৰাছত আক্ৰান্তৰ সংখ্যাই ২০০০ৰ সীমা চোৱাৰ ফালে আগবাঢ়িছে।
বিশ্বজুৰি এই সংখ্যা ১ মিলিয়ন হোৱাৰ দিশে আগবাঢ়িছে।
