দেশত আতংকৰ সৃষ্টি কৰা কোভিডৰ দ্বিতীয় ঢৌৱে কেৱল সাধাৰণ মানুহৰ জীৱনে হানি কৰা নাই, কোভিড ৰোগীৰ চিকিৎসাত নিয়োজিত বহু চিকিৎসকৰো জীৱন কাঢ়ি নিছে।
ইণ্ডিয়ান মেডিকেল এচ’ছিয়েশ্যন( IMA)এ প্ৰকাশ কৰা তথ্য অনুসৰি কোভিডৰ দ্বিতীয়টো তৰংগত দেশত ৫০০ ৰো অধিক চিকিৎসকৰ মৃত্যু হৈছে।
IMAৰ তথ্য অনুসৰি দেশৰ ২৫ খন ৰাজ্য আৰু কেন্দ্ৰীয় শাসিত অঞ্চলত ৫০০ৰো অধিক চিকিৎসকৰ মৃত্যু হৈছে আৰু ইয়াৰ ভিতৰত ৰাজধানী দিল্লী শীৰ্ষ স্থানত আছে।
কেৱল দিল্লীতে ১০৪ গৰাকী চিকিৎসকৰ কৰোনাৰ দ্বিতীয়টো তৰংগত মৃত্যু হৈছে।
দিল্লীৰ পিছতে দ্বিতীয় স্থানত আছে বিহাৰ। বিহাৰত কৰোনাক্ৰান্ত হৈ মৃত্যু হৈছে ৯৬ গৰাকীকৈ চিকিৎসক।
ইফালে উত্তৰ প্ৰদেশত ৫৩ গৰাকী, ৰাজস্থানত ৪২ গৰাকী, গুজৰাটত ৩২ গৰাকী, অন্ধ্ৰ আৰু তেলেংগানাত ২৯ গৰাকীকৈ, পশ্চিমবংগত ২৩ গৰাকী আৰু তামিলনাডুত ২১ গৰাকী চিকিৎসকৰ মৃত্যু হৈছে।
ইফালে ওড়িশাত ১৮ গৰাকী, মধ্য প্ৰদেশ আৰু মহাৰাষ্ট্ৰত ১৬ গৰাকী, কৰ্ণাটকত ৮ গৰাকী, অসমত ৭ গৰাকী, কেৰলা আৰু মণিপুৰত ৫ গৰাকীকৈ, ছত্তিশগড়ত আৰু জম্মু আৰু কাশ্মীৰত ৩ গকাৰীকৈ, হাৰিয়ানা, পঞ্জাৱ, ত্ৰিপুৰা আৰু উত্তৰাখণ্ডত ২ গৰাকীকৈ আৰু পডুচেৰীত ১ গৰাকী চিকিৎসকৰ কৰোনাত আক্ৰান্ত হৈ মৃত্যু হৈছে।
IMAৰ তথ্য মতে কৰোনাৰ প্ৰথমটো ঢৌত ভাৰতত মুঠ ৭৪৮ গৰাকী চিকিৎসকৰ কৰোনাত আক্ৰান্ত হৈ মৃত্যু হৈছিল।
