ক’ৰ’না ভাইৰাছৰ আতংকৰ মাজতে ডিব্ৰুগড়ৰ পৰা তামিলনাডুৰ কন্যাকুমাৰীলৈ যাত্ৰা কৰা দেশৰ দীৰ্ঘতম দূৰত্বৰ যাত্ৰীবাহী বিজয়া এক্সপ্ৰেছ ৰে’লখন কন্যাকুমাৰীত গৈ উপস্থিত হৈছে।
শনিবাৰে নিশা ডিব্ৰুগড়ৰ পৰা নামনিমুৱা যাত্ৰা আৰম্ভ কৰা বিবেক এক্সপ্ৰেছ যাত্ৰীবাহী ৰে’লখনে বুধবাৰে পুৱা ৯.৩৬ বজাত ৮২ ঘণ্টা ৫০ মিনিট যাত্ৰা কৰাৰ অন্তত গন্তব্য স্থান কন্যাকুমাৰী ৰেল’ৱে ষ্টেচনত প্ৰৱেশ কৰে। দক্ষিণাত্য ৰে’লৱেই এই কথা প্ৰকাশ কৰিছে।
Train no: 15906 (Vivek Express) reached its destination today at 9:36. It began its journey before #JantaCurfew. The last train in the entire IR to complete it’s journey. The train ran at less than 50% occupancy through out most part of it journey. @RailMinIndia pic.twitter.com/tgBMudyQK1
— @GMSouthernrailway (@GMSRailway) March 25, 2020
কন্যাকুমাৰীত প্ৰৱেশ কৰাৰ সময়ত ৰে’লখনত কৰ্মচাৰীসহ মাত্ৰ ১৫ জন যাত্ৰী আছিল। ৰে’লখনত যাত্ৰা কৰা সকলো যাত্ৰীকে আইচলেশ্যন ৰখা হৈছে।
উল্লেখ্য দেশৰ আটাইতকৈ দীৰ্ঘ দূৰত্বৰ যাত্ৰীবাহী ৰে’লখনে ৪,২০০ কিলোমিটাৰ যাত্ৰা কৰাৰ অন্তত কন্যাকুমাৰী ৰে’লৱে ষ্টেচনত প্ৰৱেশ কৰিছে।
ক’ৰ’না ভাইৰাছ সংক্ৰমণৰ আতংকৰ বাবে ইতিমধ্যে ভাৰতীয় ৰে’ল বিভাগে সকলোবোৰ যাত্ৰীবাহী ৰে’ল অহা ৩১ মাৰ্চ পৰ্যন্ত চলাচলৰ বন্ধ ৰাখিছে।
স্বামী বিবেকানন্দৰ ১৫০ বছৰীয়া জন্ম জয়ন্তীত দেশৰ বাবে তদানীন্তন ৰে’লৱে মন্ত্ৰী মমতা বেনাৰ্জীয়ে ডিব্ৰুগড়ৰ-কন্যাকুমাৰী নামনিমুৱা বিবেক একেপ্ৰছ ৰে’লখন ৰাষ্ট্ৰৰ বাবে উৎসৰ্গা কৰিছিল।
ৰে’লখনে অসমৰ ডিব্ৰুগড়ৰ পৰা যাত্ৰা আৰম্ভ কৰি নাগালেণ্ড, পশ্চিমবংগ, বিহাৰ, ওড়িশা, অন্ধ্ৰ প্ৰদেশ, কেৰেলা আৰু তামিলমাডুৰ ৫৬ টা ষ্টেচনত ৰৈ কন্যাকুমাৰীত গৈ উপস্থিত হয়।
উল্লেখ্য যে, ১৩,৫২৩ ৰে’লেৰ দেশৰ প্ৰায় ২.৩ কোটি যাত্ৰীয়ে দৈনিক ৰে’ল যাত্ৰা কৰে।