অসমত নতুনকৈ ছজন ক’ভিড-১৯ পজিটিভ, দিনটোত এতিয়ালৈকে চিনাক্ত ২৬
ৰাজ্যত আজিৰ দিনটোতে এতিয়ালৈকে ২৬গৰাকীকৈ লোক ক’ভিড-১৯ পজিটিভ চিনাক্ত হৈছে।
এইবাৰ ৬ গৰাকীকৈ লোকৰ দেহত ধৰা পৰিছে এই মাৰাত্মক ভাইৰাছৰ উপস্থিতি।
ইয়াৰে ৩ গৰাকী গুৱাহাটীৰ, ২ গৰাকী কৰিমগঞ্জৰ আৰু এগৰাকী সৰুসজাই কুৱাৰেন্টাইন চেণ্টাৰৰ।
গুৱাহাটীত ধৰা পৰা তিনিগৰাকীৰ দুগৰাকী কালি মৃত্যুক আকোৱালি লোৱা কেন্সাৰ ৰোগী গোপীনাথ মালাকাৰৰ পত্নী আৰু জীয়ৰী।
কিছু সময় পূৰ্বে ১৪ গৰাকী লোকৰ দেহত ধৰা পৰিছিল কোভিড-১৯ পজিটিভ। আক্ৰান্তসকলৰ ৭ গৰাকী কামৰূপ মহানগৰ, ২ গৰাকী হোজাইৰ, দুগৰাকী বিশ্বনাথৰ, এগৰাকী নগাঁও জিলাৰ আৰু দুগৰাকী নলবাৰীৰ।
ইয়াকে লৈ ৰাজ্যত ১৪১ গৰাকীলৈ বৃদ্ধি পালে আক্ৰান্তৰ সংখ্যা।
টুইটাৰ যোগে এই কথা জনাইছে স্বাস্থ্য মন্ত্ৰী ডঃ হিমন্ত বিশ্ব শৰ্মাই।
Alert – 6 new #COVID + cases confirmed. Out of the 3 from Guwahati, 2 are related to a cancer patient who lost his life at GMCH (wife & daughter). 2 patients are from Karimganj and one from Sarusajai quarantine centre. Total patient count goes up to 141.
Update 6:35 pm / May 19 pic.twitter.com/0hcXkCByk1
— Himanta Biswa Sarma (@himantabiswa) May 19, 2020
বৰ্তমান ৯৪ গৰাকী লোক এই কৰনা ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ৪১ জনক চিকিৎসালয়ৰ পৰা মুক্তি দিয়া হৈছে৷
এতিয়ালৈ চাৰিগৰাকী মৃত্যু মুখত পৰিছে৷
উল্লেখযোগ্য যে, আজিৰ পুৱাৰ ভাগত ২ গৰাকী যোৰহাট, ২ গৰাকী গোলাঘাট, এগৰাকী কোকৰাঝাৰ আৰু এগৰাকী নগাওঁ জিলাৰ লোকৰ দেহত এই মাৰাত্মক ভাইৰাছৰ অৱস্থিতি পোৱা গৈছিল।
যোৰহাটৰ এগৰাকী চেন্নাইৰ পৰা উভতি আহিছিল আৰু বাকী কেইগৰাকী দাৰ্জিলিঙৰ পৰা আহিছিল।
ইপিনে, কালিও গুৱাহাটীত ৭ গৰাকীৰ দেহত মাৰাত্মক ক’ৰ’ণা ভাইৰাছৰ উপস্থিতি আৰু এজনৰ মৃত্যু হৈছিল।
তাৰে, ৩ গৰাকী ৰোগী সৰুসজাই কুৱাৰেন্টাইন কেম্পৰ আৰু ৩ গৰাকীৰ ফাঁচিবজাৰ আলু গুদামৰ(কণ্টেইনমেণ্ট জ’নৰ) সৈতে সম্পৰ্কিত আছিল।
কালিৰ দিনটোতে গোলাঘাটত ৪ গৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল। লগতে কাছাৰত দুগৰাকী লোকৰ দেহত ধৰা পৰিছিল এই মাৰাত্মক ভাইৰাছ।
ইয়াৰোপৰি কাছাৰ আৰু গোলাঘাট বাদ কৰি কালিৰ দিনটোত যোৰহাটত এজন, নগাওঁ জিলাত এজন লোকৰ দেহত ধৰা পৰিছিল এই মাৰাত্মক ভাইৰাছ।