পুনৰ ৭ ক’ভিড-১৯ পজিটিভ, মুঠ আক্ৰান্ত ২১০গৰাকীলৈ বৃদ্ধি অসমত

আৰু সাতগৰাকী লোক বৃহস্পতিবাৰে অসমত ক’ভিড-১৯ পজিটিভ চিনাক্ত হৈছে; মুঠ আক্ৰান্তৰ সংখ্যা ২১০লৈ বৃদ্ধি পাইছে।

নতুনকৈ চিনাক্ত ক’ভিড-১৯ আক্ৰান্তকেইজন তেজপুৰ বিশ্ববিদ্যালয়ৰ জ’নেল কুৱাৰেণ্টিন চেণ্টাৰত আছিল।

আক্ৰান্তকেইগৰাকীৰ পাঁচগৰাকী শোণিতপুৰৰ আৰু দুজন লখিমপুৰৰ।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য প্ৰকাশ কৰিছে।

ইয়াৰ ফলত বৃ্হস্পতিবাৰৰ দিনটোত ৰাজ্যত ক’ভিড-১৯ পজিটিভ চিনাক্ত লোকৰ সংখ্যা ২২ গৰাকীলৈ বৃদ্ধি পালে।

📌Alert ~ 7 persons at Zonal Quarantine Centre at Tezpur Univ test #COVID19 +

5 are from Sonitpur, 2 from Lakhimpur.

↗️Total cases 210
↗️Recovered 54
↗️Active cases 149
↗️Deaths 04
↗️Migrated 03

Update 10.00 pm / May 21#AssamCovidCount pic.twitter.com/neBminufgS

— Himanta Biswa Sarma (@himantabiswa) May 21, 2020

ৰাজ্যত চাৰি দিনৰ ভিতৰত শতাধিক  লোক  কোভিড-১৯ ত আক্ৰান্ত হৈছে।

কিছুসময় পূৰ্বে আক্ৰান্ত হোৱা সকলৰ দুগৰাকী পশ্চিম কাৰ্বিআংলং, ১ গৰাকী দৰং আৰু ১ গৰাকী ওদালগুৰি জিলাৰ।

ইয়াৰ পূৰ্বে  আক্ৰান্ত হোৱা সকলৰ ৮ গৰাকীৰ ৩ গৰাকী কোকৰাঝাৰ, ২ গৰাকী শিৱসাগৰ, ২ গৰাকী ধুবুৰী আৰু এগৰাকী ডিব্ৰুগড়ৰ।

দিনৰ ভাগত কোকৰাঝাৰত দুগৰাকী লোকৰ দেহত পোৱা গৈছে এই মাৰাত্মক ভাইৰাছৰ উপস্থিতি।

পুৱাৰ ভাগতো কোকৰাঝাৰ কুৱাৰেন্টাইন চেণ্টাৰত এগৰাকী লোকৰ দেহত এই ভাইৰাছৰ উপস্থিতি পোৱা গৈছিল।

কালিৰ দিনটোত ৩১ গৰাকীকৈ লোক এই কোভিড-১৯ ভাইৰাছৰ সংক্ৰমণ হৈছে।

পৰহি দিনা ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।

বৰ্তমান ১৪৯ গৰাকী লোক এই কৰনা ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ৫৪ জনক চিকিৎসালয়ৰ পৰা মুক্তি দিয়া হৈছে৷

এতিয়ালৈ চাৰিগৰাকী মৃত্যু মুখত পৰিছে৷