অসম আৰক্ষীত মুঠ ক’ভিড আক্ৰান্ত ৩০৮লৈ বৃদ্ধি, আৰোগ্য ৬৮
কৰ’না বিৰোধী যুঁজৰ আগশাৰীত থকা অসম আৰক্ষীত মুঠ ক’ভিড-১৯ আক্ৰান্তৰ সংখ্যা মঙলবাৰে ৩০৮গৰাকীলৈ বৃদ্ধি পাইছে।
ইয়াৰে ৬৮গৰাকীয়ে ইতিমধ্যে আৰোগ্য লাভ কৰিছে।
অসম আৰক্ষীৰ অতিৰিক্ত সঞ্চালকপ্ৰধান (আইন-শৃংখলা) জি পি সিঙে টুইটাৰত এই তথ্য সদৰী কৰিছে।
অসমত বিশেষকৈ গুৱাহাটী মহানগৰীত শেহতীয়াকৈ ব্যাপক হাৰত ক’ভিড ৰোগী চিনাক্ত হোৱাৰ মাজতে অসম আৰক্ষীতো আক্ৰান্তৰ সংখ্যা বৃদ্ধি পাইছে।
July 7th 2020 – @assampolice 308 personnel tested positive for Covid till date, out of whom 68 have recovered. @DGPAssamPolice @nhm_assam @CMOfficeAssam
— GP Singh (@gpsinghassam) July 7, 2020
দেওবাৰে ৪৭গৰাকী নতুনকৈ ক’ভিড পজিটিভ ব্যক্তিৰে সৈতে অসম আৰক্ষীত মুঠ আক্ৰান্তৰ সংখ্যা ১৯৬লৈ বৃদ্ধি পাইছিল।
দেওবাৰলৈকে অসম আৰক্ষীৰ ৯৩২গৰাকী লোক কুৱাৰেণ্টিন হৈ আছিল।
শনিবাৰলৈকে অসম আৰক্ষীত ১৪৯গৰাকী ক’ভিড পজিটিভ ব্যক্তি চিনাক্ত হৈছিল।
আৰু ইয়াৰে ৩০গৰাকীয়ে আৰোগ্য লাভ কৰিছিল।
শনিবাৰলৈকে অসম আৰক্ষীৰ ১১১৪গৰাকী ব্যক্তি কুৱাৰেণ্টিনত আছিল।