অসমত আজি কালিৰ তুলনাত কিছু কম সংখ্যক লোক কোভিডত আক্ৰান্ত হৈছে। কালি ৰাজ্যত কোভিডত আক্ৰান্ত লোকৰ সংখ্যা আছিল ৬৫৭৩ গৰাকী ।
আজিৰ দিনটোত কোভিডত আক্ৰান্ত লোকৰ সংখ্যা হৈছে ৬০৬৬ গৰাকী। আজি স্বাস্থ্যমন্ত্ৰী কেশৱ মহন্তই টুইটাৰত এই তথ্য সদৰী কৰিছে। স্বাস্থ্যমন্ত্ৰীগৰাকীয়ে প্ৰকাশ কৰা তথ্য অনুসৰি আজি কোভিডত আক্ৰান্ত হৈ মৃত্যু ঘটা লোকৰ সংখ্যা হৈছে ৮১ গৰাকী।
কালি এই সংখ্যা আছিল ৭৪ গৰাকী। ইপিনে কালিৰ তুলনাত আজি কোভিডৰ পৰীক্ষাও বৃদ্ধি কৰা হয়। কালি ৰাজ্যত কৰা কোভিডৰ পৰীক্ষাৰ সংখ্যা আছিল ১০২৬৮৪ টা ।
আজি কৰা কোভিডৰ পৰীক্ষাৰ সংখ্যা হৈছে ১০৩১৫৮ টা।
Summary of 21/5/2021
Today’s Total 6066
Overall Positivity Percentage (6066 cases out of 103158 test done = 5.88%)
Kamrup(M) 907
Death 81
Recovery Rate 84.22%
— Keshab Mahanta (@keshab_mahanta) May 21, 2021
কামৰূপ মেট্ৰ’ত কালি ক’ভিডত আক্ৰান্ত হৈছিল ১০৮৪ গৰাকী লোক । আজি সেই সংখ্যা ৯০৭ গৰাকী হৈছে। কালি কোভিড পজিটিভিটিৰ হাৰ আছিল ৬.৪০ শতাংশ।
আজি কোভিড পজিটিভিটিৰ হাৰ সামান্য কমি ৫.৮৮ শতাংশ হৈছে । অৱশ্যে আজি কোভিডৰ পৰা মুক্ত হোৱা ৰোগীৰ শতাংশ হাৰ কালিৰ তুলনাত সামান্য কমিছে।
কালি ৰোগমুক্তিৰ হাৰ আছিল ৮৪.২৫ শতাংশ ।
আজি আৰোগ্যৰ শতাংশ হাৰ হৈছে ৮৪.২২। অৰ্থাৎ কালিতকৈ আজি আৰোগ্য হোৱা লোকৰ সংখ্য কিছু কমিছে।
স্বাস্থ্যমন্ত্ৰীয়ে প্ৰকাশ কৰা তথ্যৰ পৰা আজিৰ দিনটোত পৰীক্ষাৰ সংখ্যা বাঢ়িলেও ৰোগীৰ সংখ্যা কম হোৱাৰ কথাই কিঞ্চিত হ’লেও আশাৰ ৰেঙণি কঢ়িয়াইছে।
তথাপি কব পাৰি ৰাজ্যৰ কোভিড পৰিস্থিতি অতি ভয়াৱহ হৈয়ে আছে ।