ভয়াৱহ পৰিস্থিতি: ৰাজ্যত এদিনতে কোভিডত মৃত্যু ৫৫ গৰাকী লোকৰ, আক্ৰান্ত ৪৮২৬ গৰাকী লোক
ৰাজ্যৰ কোভিড পৰিস্থিতি অতি ভয়াৱহ হৈ পৰিছে। আজিৰ দিনটোতে কালান্তক কোভিডে কাঢ়ি নিছে ৫৫ গৰাকী লোকৰ প্ৰাণ। কালি কোভিডত মৃত্যু ঘটা লোকৰ সংখ্যা আছিল ৪১ গৰাকী।
ৰাজ্যত অব্যাহত আছে ক’ভিডৰ সংহাৰ। বিগত ২৪ ঘণ্টাত ৰাজ্যত মাৰাত্মক ভাইৰাছবিধত আক্ৰান্ত হৈছে ৪৮২৬ গৰাকী লোক।ঘণ্টাত ৫২০৭৪ টা কোভিডৰ পৰীক্ষা সম্পন্ন কৰা হয়।
কামৰূপ মেট্ৰ’ত বিগত ২৪ ঘণ্টাত ক’ভিডত আক্ৰান্ত হৈছে ১৩৮৪ গৰাকী লোক।কোভিড পজিটিভিটিৰ হাৰ হৈছে৯.২৭। এই সময়ছোৱাত ৰোগমুক্তিৰ হাৰ হৈছে ৮৭.৯৯ শতাংশ।
স্বাস্থ্য মন্ত্ৰী হিমন্ত বিশ্ব শৰ্মাই প্ৰকাশ কৰা মতে কোভিড ৰোগীৰ বৰ্দ্ধিত সংখ্যালৈ চাই চিকিৎসালয়ত বিচনাৰ সংখ্যা বৃদ্ধিৰ পদক্ষেপ গ্ৰহণ কৰা হৈছে।
Summary of 05/5/2021
Today’s Total 4826
Overall Positivity Percentage (4826 cases out of 52074 test done = 9.27%)
Kamrup(M) 1383
Death 55
Recovery Rate 87.99— Himanta Biswa Sarma (@himantabiswa) May 5, 2021
পৰিস্থিতি নিয়ন্ত্ৰণৰ বাহিৰলৈ গ’লে লকডাউন দিয়াৰ বিকল্প নাথাকিব বুলিও তেওঁ প্ৰকাশ কৰে।
ইপিনে অসমত এদিনত কোভিড আক্ৰান্তৰ সংখ্যা ১০ হাজাৰ অতিক্ৰম কৰিলে অসমৰ পৰিস্থিতিও দিল্লীৰ দৰেই হৈ পৰিব বুলি আশংকা কৰা হৈছে।
আজিৰে পৰা ৰাজ্যত প্ৰতীকি ৰূপত ১৮-৪৪ বছৰৰ লোকক কোভিডৰ ভেকচিন প্ৰদানৰ কাম আৰম্ভ কৰা হৈছে।
গুৱাহাটী প্ৰেছ ক্লাবত আজি স্বাস্থ্যমন্ত্ৰী হিমন্ত বিশ্বৰ উপস্থিতিতি সাংবাদিকসকলক ভেকচিন প্ৰদান কৰা হয়।