পুনৰ কোভিডৰ নতুন SOP প্ৰকাশ; এইকেইখন জিলাত পাঁচ বজালৈকে সকলো খোলা থাকিব

আজি পুনৰ অসম চৰকাৰৰ দুৰ্যোগ প্ৰশমণ বিভাগে কোভিডৰ নতুন SOP প্ৰকাশ কৰিছে। নতুন  SOP ত কেতবোৰ নতুন কথাৰ সংযোজন ঘটোৱা হৈছে।

কোভিড সংক্ৰমণ হ্ৰাস পোৱা জিলাত ৩ বজাৰ পৰিবৰ্তে ৪ বজালৈ খোলা ৰাখিব পাৰিব দোকান পোহাৰ। লগতে এইসমূহ ঠাইত সন্ধিয়া ৫ বজাৰ পৰা পুৱা ৫ বজালৈ সান্ধ্য আইন বাহাল থাকিব বুলি SOP ত উল্লেখ আছে।

অহা সোমবাৰৰ পৰা এসপ্তাহৰ বাবে এই SOP ৰ নিয়ম প্ৰযোজ্য হব।

SOP ত উল্লেখ থকা অনুসৰি কামৰূপ মহানগৰ, দক্ষিণ শালমাৰা, মাজুলী, বঙাইগাঁও, চিৰাং, ওদালগুৰি, পশ্চিম কাৰ্বি আংলং, ডিমা হাছাও, চৰাইদেউ আৰু হাইলাকান্দিত প্ৰযোজ্য হব সন্ধিয়া ৫ বজাৰ পৰা পুৱা ৫ বজালৈ সান্ধ্য আইন।

[pdf-embedder url=”https://assam.nenow.in/wp-content/uploads/2021/06/COVID-19-SOP-26.06.210001.pdf” title=”COVID 19 SOP 26.06.210001″]

এই জিলাসমূহত ৪ বজালৈ খোলা ৰাখিব পাৰিব দোকান পোহাৰ, চৰকাৰী বেচৰকাৰী কাৰ্যালয়বোৰ, হোটেল, ৰেষ্টুৰেণ্ট আদি।

আনহাতে মৰিগাঁও, বিশ্বনাথ, গোৱালপাৰা, লগতে বোকাখাত মহকুমাত সম্পূৰ্ণ লকডাউন দিয়া হৈছে।

এই লকডাউন দিয়া জিলা কেইখনত জৰুৰীকালীন সেৱা, অত্যাৱশ্যকীয় সামগ্ৰীৰ দোকান, গাখীৰ, পানী, ঔষধ আদি সন্ধিয়া ৫ বজালৈ খোলা ৰাখিব পাৰিব, তাৰ বাহিৰে চৰকাৰী-বে-চৰকাৰী কাৰ্য্যালয়, বিপনী সকলো বন্ধ।

ধুবুৰী, কোকৰাঝাৰ, বৰপেটা, নলবাৰী, বাক্সা, বজালী, কামৰূপ গ্ৰাম্য, দৰং, শোণিতপুৰ, নগাঁও, হোজাই, গোলাঘাট, সৰুপথাৰ, যোৰহাট, শিৱসাগৰ, তিনিচুকীয়া, লখিমপুৰ, ধেমাজি, কাছাৰ, কৰিমগঞ্জ, কাৰ্বি আংলং আৰু ডিব্ৰুগড় জিলাত বিয়লি ২ বজাৰ পৰা পুৱা ৫ বজালৈ সান্ধ্য আইন।

এই জিলাসমূহত ১ বজালৈহে খোলা ৰাখিব পাৰিব দোকান পোহাৰ।

চৰকাৰী কৰ্মচাৰীৰ ক্ষেত্ৰত যিসকলে কোভিডৰ এপালি ভেকচিনহে লৈছে তেওঁলোকে সম্পূৰ্ণ কণ্টেইনমেণ্ট জ’নক বাদ দি বাকী ঠাইত থকা নিজৰ কাৰ্যালয়লৈ যাব লাগিব।

কোভিডৰ এপালি ভেকচিনো নোলোৱা চৰকাৰী কৰ্মচাৰীয়েও কাৰ্যালয়ৰ উৰ্ধতন কৰ্তৃপক্ষই যেতিয়াই বিচাৰে তেতিয়াই কাৰ্যালয়লৈ যাব লাগিব।