ক্ৰমাৎ উন্নত হৈছে ৰাজ্যৰ ক’ভিড পৰিস্থিতি, আজি আক্ৰান্ত কিমান?

কালিৰ তুলনাত আজি ৰাজ্যত ক’ভিডত আক্ৰান্ত ৰোগীৰ সংখ্যা ভালে খিনি কম হোৱাৰ কথাই ৰাজ্যত ক’ভিড পৰিস্থিতিৰ উন্নতি হোৱাৰ বিষয়টোকে প্ৰতীয়মান কৰিছে।

এক কথাত ক্ৰমাৎ সুস্থিৰ অৱস্থালৈ আহিছে ৰাজ্যৰ ক’ভিড পৰিস্থিতি। হ্ৰাস পাইছে ক’ভিড ৰোগীৰ সংখ্যা।

আজি ৰাজ্যত সৰ্বমুঠ ৬১,০৭৬ টা ক’ভিদ পৰীক্ষা সম্পন্ন কৰা হয় আৰু ইয়াৰে ৪০৭ গৰাকী ব্যক্তিৰ শৰীৰত ক’ভিড সংক্ৰমণ ধৰা পৰিছে।

অৱশ্যে ক’ভিড সংক্ৰমণৰ হাৰ আজিও ১ শতাংশৰ তলতেই আছে।

Summary of 22/9/2021

Today’s Total 407

Overall Positivity Percentage (407 cases out of 61,076 test done = 0.67%)

Kamrup(M) 93

Death 4

Recovery Rate 98.21%

— Keshab Mahanta (@keshab_mahanta) September 22, 2021

ৰাজ্যৰ সৰ্বাধিক ক’ভিদ সংক্ৰমণ ধৰা পৰা জিলা সমূহ ক্ৰমে কামৰূপ মেট্ৰ’, গোলাঘাট, লখিমপুৰ আৰু যোৰহাট বুলি চিনাক্ত কৰা হৈছে।

কামৰূপ মেট্ৰ’ত আজি ক’ভিডত আক্ৰান্ত লোকৰ সংখ্যা হৈছে ৯৩ গৰাকী।

আজি ৰাজ্যত ৪ জন ব্যক্তিৰ ক’ভিড সংক্ৰমণৰ ফলত মৃত্যু হয়।

ৰাজ্যত ক’ভিডত সুস্থ হোৱা ৰোগীৰ শতাংশ হাৰ আজি হৈছে ৯৮.২১ ।

আনহাতে আক্ৰান্তৰ শতাংশ হাৰ হৈছে ০.৬৭।

অসমত বৰ্তমান ক’ভিড বিধি বহুখিনি শিথিল কৰা হৈছে।

অৱশ্যে তাৰ পিছতো জনসাধাৰণক ক’ভিড সংক্ৰান্তীয় বাধ্য-বাধকতা মানি চলিবলৈ আহ্বান জনাইছে ৰাজ্য প্ৰশাসনে।