বঙাইগাঁও জিলাত সোমবাৰে নতুনকৈ ৬৫ জন ব্যক্তি ক’ভিড – ১৯ ত আক্ৰান্ত হোৱাৰ বিপৰীতে এজন ব্যক্তিৰ মৃত্যু হৈছে ৷
জিলা প্ৰশাসনে প্ৰকাশ কৰা তথ্য মতে ক’ভিডত মৃত্যু হোৱা ব্যক্তিজন বঙাইগাঁৱৰ খাৰিজা দোলাইগাঁও দ্বিতীয় খণ্ডৰ প্ৰবীণ চন্দ্ৰ বৰ্মন( ৭১) ৷
ব্যক্তিজনৰ বঙাইগাঁও চহৰৰ স্বাগত হাস্পতালত চিকিৎসাধীন অৱস্থাত মৃত্যু হয় ৷
ইপিনে জিলাখনত বৰ্তমান ৪৯৯ জন ক’ভিডত আক্ৰান্ত সক্ৰিয় ৰোগী আছে ৷
ইয়াৰে ভিতৰত ৩০৯ জন ইনষ্টিটিউচনেল কোৱাৰেণ্টাইনত আৰু ১৯০ জন ব্যক্তি হোম কোৱাৰেণ্টাইনত আছে ৷
আনহাতে সোমবাৰৰ দিনটোত সুস্থ হৈ উঠিছে ২৯ জনকৈ ৰোগী ৷ যিটো ভাল খবৰ ৷
জিলাখনত সোমবাৰে মুঠ ৩৩৯৩ জন ব্যক্তিক ক’ভিড টেষ্ট কৰা হয় ৷
আনহাতে জিলাখনত ১ মাৰ্চৰ পৰা ২৪ মে’লৈ মুঠ ক’ভিডত আক্ৰান্ত ব্যক্তিৰ সংখ্যা বৃদ্ধি পাই ২,৪৯৩ গৰাকী হৈছে ৷