বঙাইগাঁও জিলা প্ৰশাসনৰ ব্যৱস্থাপনামৰ্মে জিলা স্বাস্থ্য বিভাগে জিলাখনৰ মানসিক ৰোগীসকল যাতে ক’ৰোনা ভেকচিনৰ পৰা বঞ্চিত নহয় তাৰ বাবে বিশেষ ব্যৱস্থা গ্ৰহণ কৰিছে।
সেইমৰ্মে সমাজ কল্যাণ বিভাগৰ অধীনত বঙাইগাঁৱত থকা স্বেচ্ছাসেৱী সংগঠন” সৰ্বাংগীন বিকাশ ট্ৰাষ্ট”ৰ দ্বাৰা পৰিচালিত হাফ ৱে হোমত থকা ১৫ গৰাকী গৃহহীন মানসিক ৰোগী, নেভাৰ্ড মেণ্টেল হাস্পতালত থকা ২১ গৰাকী মানসিক ভাৱে অসু্স্থ ব্যক্তি আৰু তেওঁলোকক চোৱাচিতা কৰা ৯ গৰাকী পৰিচালক- পৰিচালিকা , ‘আশ্ৰয়, গৃহহীন মানসিক ৰোগীসকলৰ গৃহ’ ত থকা ৫ গৰাকী গৃহহীন মানসিক ব্যক্তিক টীকাকৰণ কৰা হয়।
আনহাতে অভয়াপুৰীস্থিত জিলা কাৰাগাৰত থকা ১৪২ গৰাকী কয়দীকো ক’ভিড ভেকচিন দিয়াৰ ব্যৱস্থা কৰা হয়।
ক’ভিড ভেকচিন ল’ব পৰাকৈ এই লোকসকল প্ৰায় ভাগৰে কোনো ফটোযুক্ত পৰিচয় পত্ৰ নাই ৷
গতিকে ‘কী ফেচিলিটৰ'(key facilitor)ৰ জৰিয়তে পঞ্জীয়ন কৰি এই লোকসকলক ক’ভিড ভেকচিন প্ৰদান কৰা হয়।