ৰাজ্যৰ ভিন্ন প্ৰান্তৰ লগতে কলিয়াবৰতো গণ সংক্ৰমণৰ দিশে গতি কৰিছে কোভিড-১৯এ।
বৰ্তমান সময়লৈকে ঘোষণা কৰা হৈছে চাৰিটাকৈ কন্টেইনমেন্ট জ’ন। মৃত্যু হৈছে চাৰিজনকৈ কৰোনাক্ৰান্তৰ। বৰ্তমানলৈকে আক্ৰান্ত হৈ আছে ৮৩৬ জন।
কোভিডৰ এই ভয়াৱহতাৰ পৰা হাত সাৰিবলৈ জনস্বাস্থ্য কাৰিকৰী বিভাগৰ কলিয়াবৰ সংমণ্ডলে কলিয়াবৰৰ বিভিন্ন এলেকাত চেন্টিটাইজেচন আৰম্ভ কৰিছে। সমান্তৰালকৈ আজি জখলাবন্ধাৰ বাণিজ্য কেন্দ্ৰত দেখা গল চেনিটাইজেচন প্ৰক্ৰিয়া।
আনহাতে শ্ৰীমন্ত শংকৰদেৱ সংঘৰ কলিয়াবৰ জিলা শাখাৰ সহযোগত কলিয়াবৰ জিলা সেৱা বাহিনীৰ কলিয়াবৰৰ নলতলিত চেনিটাইজেচন আৰু মাস্ক বিতৰণ কৰা দেখা যায়।
পশ্চিম কলিয়াবৰৰ বাণিজ্যিক কেন্দ্ৰ নলতলিত কোভিড-১৯ৰ সংক্ৰমণ ৰোধৰ বাবে কলিয়াবৰ জিলা সেৱা বাহিনীয়ে চেনিটাইজেচন আৰু মাস্ক বিতৰণ কাৰ্যসূচী হাতত লয়।
বাণিজ্যিক কেন্দ্ৰটোৰ দোকান-বজাৰত চেনিটাইজ কৰাৰ লগতে ব্যৱসায়ীক আৰু সাধাৰণ লোকৰ মাজত মাস্ক বিতৰণ কৰে।
শ্ৰীমন্ত শংকৰদেৱ সংঘৰ কলিয়াবৰ জিলা সেৱা বাহিনীৰ সদস্য সকলে এই কাৰ্যসূচীত অংশগ্ৰহণ কৰে।
