‘বেট হ’ল চুবুৰীয়াৰ পত্নীৰ দৰে। সদায়েই ভাল লাগে।‘ কমেন্ট্ৰি বক্সত দীনেশ কাৰ্তিকৰ এই মন্তব্যই এতিয়া চৌপাশে তোলপাৰ লগাইছে।
ক্ৰিকেটাৰ গৰাকীৰ ধাৰাভাষ্যত বহুতেই ৰসিকতা বিচাৰি পালেও আন বহুতেই ইয়াৰ ‘নাৰীবিদ্বেষ’ৰ গোন্ধ পাইছে আৰু কাৰ্তিকক সমালোচনা কৰিছে।
দীনেশ কাৰ্তিক বৰ্তমান স্কাই স্প’ৰ্টছৰ সৈতে ধাৰাভাষ্যকাৰ হিচাপে চুক্তিবদ্ধ হৈছে।
যোৱা বৃহস্পতিবাৰে ইংলেণ্ড-শ্ৰীলংকা ছিৰিজৰ দ্বিতীয়খন মেচত শ্ৰীলংকাই প্ৰথমে বেট ধৰি ২৪১ৰাণ সংগ্ৰহ কৰিছিল।
ইয়াৰ মাজতে ইংলেণ্ডৰ ইনিংছৰ বাবে সহযোগী ধাৰাভাষ্যকাৰৰ সৈতে বেট ধাৰ কৰা বিষয়ক লৈ কাৰ্তিকে আলোচনা কৰিছিল।
ইংলেণ্ডৰ ইনিংছৰ ৩০তম অভাৰ চলি থকাৰ সময়ত কাৰ্তিকে কোৱা শুনা যায় যে,’’বেটছমেনসকলৰ (নিজৰ) বেট ভাল লগাৰ বিষয়টো একেবাৰে স্বাভাৱিক। বেছিভাগ বেটছমেনকে দেখি ভাৱ হয় তেওঁলোকৰ নিজৰ বেট ভাল নালাগে। তেওঁলোকৰ আনৰ বেটহে ভাল লাগে অথবা…. বেট হ’ল চুবুৰীয়াৰ পত্নীৰ দৰে। সদায়েই বেছি ভাল লাগে।‘’
@DineshKarthik take a bow👏🏻👏🏻 Brilliant commentary 😂😂 I can imagine @felixwhite and @gregjames applauding right now #tailendersoftheworlduniteandtakeover pic.twitter.com/SLD4kxIB2n
— Jon Moss (@Jon_Moss_) July 1, 2021
নতুনকৈ ধাৰাভাষ্যকাৰৰ কেৰিয়াৰ আৰম্ভ কৰা কাৰ্তিকৰ এই মন্তব্যক লৈ ছচিয়েল মিডিয়াতো সৃষ্টি হৈছে মিশ্ৰ প্ৰতিক্ৰিয়াৰ।
এজন নেটিজেনে কয়,’’ক্ৰিকেটত দীনেশ কাৰ্তিকৰ সম্ভৱত আটাইতকৈ শ্ৰেষ্ঠ কথাষাৰ শুনিলো। হাঁহি হাঁহি মৰি গৈছে। ডি কে ভুল কৰিও ঘৰলৈ নাযাবা।‘’
Yo @DineshKarthik, we're always excited to hear your voice in the background of good games and your analysis has been on point but you gotta do better than that misogynistic joke. Perpetuates the same toxic masculinity that doesn't need to exist in sport. A joke in poor taste!
— Tina Tengra 🙅🏻♀️ (@tinatengra07) July 2, 2021
আন এজনে কৈছে,’’ চুবুৰীয়াৰ পত্নী। দীনেশ কাৰ্তিকে নিশ্চিতভাৱে ঘৰলৈ যোৱা নাই।‘’
তাৰমাজতে এজন অনুৰাগীয়ে কয়,’’সকলো সময়তে ভাল ক্ৰিকেট মেচ চলি থকাৰ সময়ত দীনেশ কাৰ্তিকৰ কমেন্ট্ৰি শুনি ভাল লাগে। আপোনাৰ বিশ্লেষণো সদায় সঠিক হয়। কিন্তু মহিলাসকলৰ বিৰুদ্ধে এই জ’কছৰ পৰা আপুনি আঁতৰি আহিব লাগিব। এনেধৰণৰ ঘৃণনীয় পুৰুষত্বৰ প্ৰকাশৰ খেলৰ পৃথিৱীত স্থান নাই।‘’