এইবাৰ মুম্বাইত অনুষ্ঠিত হৈছিল ৭১ সংখ্যক মিছ ৱৰ্ল্ড ইভেণ্ট ২০২৪। এইবাৰৰ মিছ ৱৰ্ল্ড খিতাপ লাভ কৰিছে মিছ চেক ৰিপাব্লিক ক্ৰীষ্টিনা পিস্কোভাই। এইবাৰ মিছ ৱৰ্ল্ডত হতাশাৰ সন্মুখীন হ’ল ভাৰত। ভাৰতৰ চিনি শ্বেট্টীয়ে শীৰ্ষ ৮ ৰ ভিতৰত স্থান লাভ কৰিবলৈ ব্যৰ্থ হৈ বাহিৰ হয়। এই মিছ ৱৰ্ল্ড অনুষ্ঠানটো মুম্বাইৰ জিঅ’ ৱৰ্ল্ড কনভেনচন চেণ্টাৰত অনুষ্ঠিত হৈছিল।
ক্ৰীষ্টিনাই আইন আৰু ব্যৱসায় দুয়োটা বিষয়তে ডিগ্ৰী লাভ কৰিছে। তেওঁৰ ছ’চিয়েল মিডিয়াৰ তথ্য অনুসৰি ক্ৰীষ্টিনাই পিস্কো ফাউণ্ডেশ্যন প্ৰতিষ্ঠা কৰিছিল। ক্রিষ্টিনাই মডেল হিচাপে কাম কৰি আছে৷ তেওঁ তাঞ্জানিয়াত সুযোগ বঞ্চিত শিশুসকলৰ বাবে এখন ইংৰাজী বিদ্যালয় খুলিছিল, য’ত তেওঁ স্বেচ্ছাসেৱী হিচাপে কামো কৰিছিল।
প্ৰথম ৰানাৰ্ছ আপ হৈছে লেবাননৰ ইয়াছমিনা জেটৌন। ৭০ সংখ্যক মিছ ৱৰ্ল্ড কেৰ’লিনা বিলাভস্কাৰে মুকুট পিন্ধায় ক্ৰীষ্টিনা পিস্কোভাক। ২৮ বছৰৰ পাছত এই অনুষ্ঠানৰ আয়োজক ভাৰতক প্ৰতিনিধিত্ব কৰে ২২ বছৰীয়া ছিনি শ্বেট্টীয়ে।
শীৰ্ষ আঠত স্থান লাভ কৰিলেও তাৰ পৰাই নক আউট হয়। মুম্বাইত জন্মগ্ৰহণ কৰা চিনি শ্বেট্টীয়ে ফেমিনা মিছ ইণ্ডিয়া ৱৰ্ল্ড ২০২২ খিতাপ জয় কৰিছিল। কিন্তু ২০২৪ চনৰ মিছ ৱৰ্ল্ড প্ৰতিযোগিতাত শীৰ্ষ ৮ ৰ ভিতৰত স্থান লাভ কৰিব নোৱাৰিলে।
অনুষ্ঠানত ১২ জনীয়া বিচাৰকৰ পেনেলত চলচ্চিত্ৰ নিৰ্মাতা সাজিদ নাদিয়াদৱালা, কৃতি ছানন, পূজা হেগড়ে, ক্ৰিকেটাৰ হৰভজন সিংকে ধৰি বহু চেলিব্ৰিটিয়ে অংশগ্ৰহণ কৰে। চনী লাইভত পোনপটীয়াকৈ প্ৰচাৰ কৰা হৈছিল এই অনুষ্ঠান। চলচ্চিত্ৰ নিৰ্মাতা কৰণ জোহৰ আৰু প্ৰাক্তন মিছ ৱৰ্ল্ড মেগান ইয়ঙে আয়োজন কৰে এই অনুষ্ঠান। সমান্তৰালভাৱে কণ্ঠশিল্পী শ্বান, নেহা কক্কৰ আৰু টনি কক্কাৰেও প্ৰদৰ্শন আগবঢ়ায়।
