Daughter of Ukraine war mastermind dies আলেকজেণ্ডাৰ ডুগিনক ইউক্ৰেইন যুদ্ধৰ মূল সূত্ৰধাৰ (মাষ্টাৰমাইণ্ড) বুলি কোৱা হয়। ডুগিনক পুটিনৰ সোঁহাত বুলিও জনা যায়। ৰাছিয়াৰ ৰাজধানী মস্কোৰ ওচৰত এখন গাড়ী বিস্ফোৰণত ডুগিনৰ কন্যা ডাৰিয়া নিহত হৈছে।
অনুমান কৰা হৈছে যে পিতৃক হত্যা কৰাৰ লক্ষ্য আছিল যদিও ছোৱালীজনী ভুলতে মৃত্যুমুখত পৰিল।
চিচিটিভি ফুটেজত দেখা গৈছে যে বোমা বিস্ফোৰণৰ পিছত ডাৰিয়াৰ লেণ্ড ক্ৰুজাৰ প্ৰাডো গাড়ীখন দাওদাওকৈ জ্বলি উঠিছে। গাড়ীখন তেতিয়া মস্কোৰ বাহিৰৰ বোলচি ভিয়াজিঅমি গাঁৱৰ ওচৰৰ ঘাইপথত আছিল।
ইপিনে, দাবী কৰা হৈছে যে ৬০ বছৰীয়া আলেকজেণ্ডাৰ ডুগিনক হত্যাৰ ষড়যন্ত্ৰত ভুলবশতঃ তেওঁৰ কন্যাৰ মৃত্যু হৈছে।
আনহাতে, ভ্লাদিমিৰ পুটিনৰ “হাতত পুতলা” বুলি জনাজাত ইউক্ৰেইনৰ ডনেটছ পিপলছ ৰিপাব্লিকৰ মুৰব্বী ডেনিছ পুছিলিনে দাবী কৰে যে ইউক্ৰেইনৰ উগ্ৰপন্থীৰ আক্ৰমণত ডাৰিয়া নিহত হৈছে।
ছ’চিয়েল মিডিয়াত তেওঁ লিখিছে,”ইউক্ৰেইনৰ উগ্ৰপন্থীসকলে আলেকজেণ্ডাৰ ডুগিনক নি:শেষ কৰিবলৈ চেষ্টা কৰি আছে, কিন্তু ভুলবশতঃ তেওঁৰ কন্যাক হত্যা কৰিলে। ছোৱালীজনী আছিল খাটি ৰাছিয়ান।‘’
⭕️🇷🇺#Russia: Alexander #Dugin at the scene pic.twitter.com/oyHMxnVHkc
— 🅻-🆃🅴🅰🅼 (@L_Team10) August 20, 2022
ডাৰিয়া এটা উৎসৱৰ পৰা উভতি আহি থকাৰ সময়তে গাড়ীখনত হঠাতে ৰাস্তাত বিস্ফোৰণ ঘটিছিল।
সূত্ৰসমূহৰ মতে, আলেকজেণ্ডাৰ ডুগিনে তেওঁৰ কন্যাৰ সৈতে উভতি অহাৰ কথা আছিল যদিও শেষ মুহূৰ্তত তেওঁ আন এখন গাড়ীত উভতি আহে।