টংলা আৰক্ষীয়ে চহৰৰ নাইকা দলঙৰ তলত নৈত ওপঙি থকা অৱস্থাত এজন মধ্যবয়সীয়া লোকৰ মৃতদেহ উদ্ধাৰ কৰিছে।
লোকজনক এতিয়ালৈকে চিনাক্ত কৰিব পৰা হোৱা নাই।
আৰক্ষীয়ে মৰণোত্তৰ পৰীক্ষাৰ বাবে মৃতদেহটো ওদালগুৰি অসামৰিক চিকিৎসালয়লৈ প্ৰেৰণ কৰিছে।
আৰক্ষীয়ে জনোৱা মতে মৃতদেহটো চিনাক্ত কৰাৰ বাবে ৭২ ঘণ্টা মৰ্গত ৰখা হ’ব।
“আমি মৃতদেহটো উদ্ধাৰ কৰিছো আৰু বিষয়টোৰ তদন্ত কৰি আছো। লগতে চুবুৰীয়া অঞ্চলসমূহত হেৰোৱাৰ গোচৰ আছে নেকি সেয়াও চাই আছো,” এগৰাকী আৰক্ষী বিষয়াই জনায়।
জানিব পৰা মতে স্থানীয় লোকসকলে মৃতদেহটো প্ৰথমে ওপঙি ফুৰা দেখা পায় আৰু আৰক্ষীক খবৰ দিয়ে।
