নগাঁও জিলাৰ চামগুৰি সমষ্টিৰ অধীনৰ খাটোৱাল আৰক্ষী থানাৰ অন্তৰ্গত পূব গেৰুৱামুখত আজি বিয়লি এগৰাকী অচিনাক্ত মহিলাৰ মৃতদেহ উদ্ধাৰ হোৱা ঘটনাই সমগ্ৰ অঞ্চলতে চাঞ্চল্যৰ সৃষ্টি কৰিছে ৷
ঘটনা সন্দৰ্ভত স্থানীয় লোকে জানিবলৈ দিয়া মতে এসপ্তাহ পূৰ্বে খাটোৱাল আৰক্ষী থানাৰ অন্তৰ্গত পূব গেৰুৱামুখ অঞ্চলত প্ৰায় ৬০ বছৰীয়া উক্ত মগনীয়া মহিলাগৰাকীয়ে প্ৰৱেশ কৰি গেৰুৱামুখৰ পুথিভঁৰালত আশ্ৰয় লৈ আছিল।
আজি বিয়লি স্থানীয় লোকে মহিলা গৰাকীৰ মৃতদেহ পুথিভঁৰালৰ সমীপত প্ৰত্যক্ষ কৰি আৰক্ষীক খবৰ দিয়াত আৰক্ষীৰ লোক ঘটনাস্থলীত উপস্থিত হৈ অচিনাক্ত মহিলা গৰাকীৰ মৃতদেহ উদ্ধাৰ কৰে।
পিছত আৰক্ষীয়ে মৃতদেহটোক মৰণোত্তৰ পৰীক্ষাৰ বাবে নগাঁও অসামৰিক চিকিৎসালয়লৈ প্ৰেৰণ কৰে। বাৰ্ধক্যজনিত কাৰণতে মহিলা গৰাকীৰ মৃত্যু হোৱা বুলি আৰক্ষীয়ে সন্দেহ প্ৰকাশ কৰিছে।
