পুনৰ বিষাক্ত সুৰাই প্ৰাণ কাঢ়িলে ১৩ জনকৈ লোকৰ।
আন বহু কেইজন লোকে এতিয়া চিকিৎসালয়ত যুঁজি আছে।
বিহাৰৰ ঔৰঙ্গাবাদ জিলাত ঘটিছে এই ঘটনা।
ঔৰঙ্গাবাদ আৰক্ষীয়ে প্ৰকাশ কৰা মতে খিৰিয়াৱা গাঁৱৰ তিনিজন আৰু মদনপুৰ আৰক্ষী থানাৰ অন্তৰ্গত ৰাণীগঞ্জ গাঁৱৰ দুজনসহ পাঁচজন লোকৰ বিষাক্ত সুৰা পান কৰাৰ ফলত মৃত্যু ঘটিছে।
মৃতসকলৰ ভিতৰত আছে খিৰিয়াৱাৰ প্ৰাক্তন চৰপঞ্চ, সোনৱা কুনৱাৰ (৬০), কামেশ্বৰ কুমাৰ (৩৫), শিৱ চাও, শম্ভু ঠাকুৰ, অনিল কুমাৰ (বিনী কুমাৰ, অনিল কুমাৰ) ,মনোজ যাদৱ (৬৫), ৰবীন্দ্ৰ সিং আদি।
আনহাতে, ধনঞ্জয় চৌধুৰী, মহম্মদ নেজাম আৰু সুবোধ সিঙ নামৰ আন তিনিজন লোকৰ অৱস্থা সংকটজনক বুলি জানিব পৰা গৈছে । তেওঁলোকক গয়া জিলাৰ শ্বেৰঘাটিৰ এখন চিকিৎসালয়ত ভৰ্তি কৰোৱা হৈছে।
উল্লেখ্য ‘ড্ৰাই ষ্টেট’ ঘোষণা কৰা বিহাৰত বিষাক্ত মদ খাই অলপতে মৃত্যু হৈছিল ১৬জন লোকৰ।
ৰাজ্যখনৰ চম্পাৰণ জিলাত বিষাক্ত মদ খাই ১৬জন লোকে প্ৰাণ হেৰুৱাইছিল।
উল্লেখ্য যে ২০১৬ চনত তেতিয়াৰ মুখ্যমন্ত্ৰী নীতি কুমাৰে বিহাৰত মদ নিষিদ্ধ কৰিছিল। কিন্তু তাৰ ফলত ৰাজ্যখনত অবৈধ মদৰ ৰমৰমীয়া ব্যৱসায় চলাৰ অভিযোগ উঠিছে।
