আজি এজন যুজাঁৰু বিমানৰ পাইলট দেখা গ’ল দেশৰ প্ৰতিৰক্ষা মন্ত্ৰী ৰাজনাথ সিঙক। বেংগালুৰুস্থিত HAL বিমানবন্দৰৰ পৰা প্ৰতিৰক্ষা মন্ত্ৰী গৰাকীয়ে ভাৰতীয় বায়ু সেনাৰ তেজস যুজাঁৰু বিমান উৰুৱায়।
উল্লেখযোগ্য যে লাইট কাম্বেট এয়াৰকাফ্টৰ উৰুৱা ৰাজনাথ সিঙে হৈছে দেশৰ প্ৰথম গৰাকী প্ৰতিৰক্ষা মন্ত্ৰী।
প্ৰায় ৩০ মিনিট সময় ধৰি এয়াৰ ভাইচ মাৰ্শ্বেল এন তিৱাৰীৰ সৈতে আকাশমাৰ্গত কটায় ৰাজনাথ সিঙে ইয়াক এক ৰোমাঞ্চকৰ অভিজ্ঞতা বুলি বৰ্ণনা কৰি কয় যে তেওঁ উক্ত বিমানখন বাচি লোৱাৰ কাৰণ হৈছে এইখন স্বদেশতে নিৰ্মিত বিমান।
#WATCH Defence Minister Rajnath Singh finishes 30-minute sortie in Light Combat Aircraft (LCA) Tejas, in Bengaluru. He is the first ever Defence Minister to fly in the indigenous LCA Tejas. pic.twitter.com/VkYnv9cikd
— ANI (@ANI) September 19, 2019
‘উৰণ খুবেই আৰামদায়ক আছিল, মই শিহৰিত হৈ উঠিছিলো। এইয়া মোৰ জীৱনৰ এটা অন্যতম স্মৰণীয় মূহুৰ্ত আছিল’ বিমানৰ পৰা নামি সিঙে এইদৰে কয়।
তেওঁ আৰু কয়, ‘উৰণৰ সময়ত তিৱাৰীয়ে যেনেদৰে কৈ গৈছিল তেনেদৰেই সকলো কৰি গৈছিলো, কোনো ধৰণৰ অসুবিধাৰ সন্মুখীন হোৱা নাছিলো’।
তেজস যুজাঁৰু বিমানখন প্ৰাক্তন প্ৰধান মন্ত্ৰী অটল বিহাৰী বাজপেয়ীৰ দিনত ভাৰতত নিৰ্মাণ কৰা হৈছিল। ২ টা চীটযুক্ত বিমানখনৰ ঘন্টাত ২০০০ কিঃমিঃ অতিক্ৰম কৰিব পৰা লগতে ৫০০০ ফুট উচ্চতাৰ লৈকে উৰিব পৰাৰ ক্ষমতা আছে।