খাদ্য নিৰ্মাতাসকলক তেওঁলোকৰ সামগ্ৰীবোৰৰ ওপৰত নিৰামিষ বা আমিষ বুলি লেবেল লগোৱাৰ বাবে বাধ্যতামূলক কৰা নিয়মবোৰ কঠোৰভাৱে ৰূপায়ণ কৰিবলৈ বিচৰা এখন আবেদনৰ তিনি সপ্তাহৰ ভিতৰত সঁহাৰি দিবলৈ কেন্দ্ৰক নিৰ্দেশ দিছে দিল্লী উচ্চ ন্যায়ালয়ে।
দিল্লী উচ্চ ন্যায়ালয়ৰ বিচাৰপীঠে কয়, “সংবিধানৰ অনুচ্ছেদ ১৯(1)(ক)ৰ অধীনত বাক স্বাধীনতাৰ অধিকাৰে প্ৰতিজন ব্যক্তিৰ যিকোনো তথ্য জনাৰ অধিকাৰ প্ৰদান কৰিছে। ইয়াত উত্থাপিত বিষয়বোৰে অনুচ্ছেদ ২১-ৰ অধীনত সংৰক্ষিত জীৱনৰ অধিকাৰৰ ওপৰত প্ৰভাৱ পেলায়। এজন ব্যক্তিয়ে তেওঁৰ বিশ্বাস ৰক্ষা আৰু অনুসৰণ কৰাৰ অধিকাৰ আছে, যিটো সংবিধানৰ অনুচ্ছেদ ২৫-ৰ অধীনতো সুৰক্ষিত।”
“সেয়েহে আমি কৰ্তৃপক্ষক বিষয়বোৰ গুৰুত্বসহকাৰে পৰীক্ষা কৰিবলৈ আৰু তিনি সপ্তাহৰ ভিতৰত আৱেদনটোৰ সঁহাৰি দিবলৈ নিৰ্দেশ দিছো।” ন্যায়ালয়ে কয়।
আৱেদনখনত ৰাম গৌ ৰক্ষা দলে কয় যে ধৰ্মৰ জৰিয়তে ভাৰতত ‘নিৰামিষ ভোজন’ গভীৰভাৱে নিহিত হৈ আছে।
আবেদনটোত যুক্তি দিয়া হৈছিল যে তেওঁলোকে গ্ৰহণ কৰা খাদ্য, প্ৰসাধন সামগ্ৰী আৰু সুগন্ধি, তেওঁলোকে পিন্ধা কাপোৰ বা পোছাক জন্তুৰ শৰীৰৰ পৰা আহৰণ কৰা উপাদান বা অংশ ব্যৱহাৰ কৰি নিৰ্মাণ কৰা হয় নে নাই জনাটো এজন নাগৰিকৰ মৌলিক অধিকাৰ।
