উত্তৰ-পূব দিল্লীৰ নেহৰু বিহাৰত সংঘটিত এক হৃদয়বিদাৰক ঘটনাই অঞ্চলটোত চাঞ্চল্যৰ সৃষ্টি কৰিছে। এটা বন্ধ ফ্লেটৰ ভিতৰত ছুটকেছৰ ভিতৰত উলংগ আৰু অচেতন অৱস্থাত উদ্ধাৰ কৰা ৯ বছৰীয়া নাবালিকা। পৰৱৰ্তী সময়ত চিকিৎসকে মৃত ঘোষণা কৰে নাবালিকা গৰাকীক। আৰক্ষীৰ সন্দেহ, এই ঘটনাটো সম্ভৱতঃ যৌন নিৰ্যাতনৰ লগতে হত্যাকাণ্ড। আৰক্ষীয়ে এতিয়ালৈকে নিশ্চিতভাৱে কোনো তথ্য প্ৰকাশ কৰা নাই।
ঘটনাৰ বিৱৰণ অনুসৰি, শনিবাৰে নিশা ছোৱালীজনী নিজৰ আত্মীয়জনক লগ কৰিবলৈ ওলাই গৈছিল। ছোৱালীজনীক দেউতাকে বিচাৰ কৰি কোনো খবৰ নাপাই। যদিও পৰৱৰ্তী সময়ত এজন চিনাকি লোকে জনাই ছোৱালীজনীক ওচৰৰ এটা ফ্লেটৰ ফালে গৈ থকা দেখা পাইছিল।
এই খবৰ পোৱাৰ পাছতে, পিতাগৰাকীয়ে উক্ত ফ্লেটলৈ গৈ দেখিলে যে বাহিৰৰ পৰা দুৱাৰ তলা লগোৱা অৱস্থাত আছে। সন্দেহ হোৱাৰ লগে লগে তেওঁ দুৱাৰ ভাঙি ভিতৰলৈ প্ৰৱেশ কৰে। ভিতৰলৈ সোমাই দেখে যে মজিয়াত এটা ছুটকেছ পৰি আছে আৰু তাৰ ভিতৰত তেওঁৰ জীয়েক উলংগ, অচেতন অৱস্থাত আছে আৰু তেওঁৰ মুখত আঘাতৰ চিনো দেখা গৈছিল।
আৰক্ষীয়ে ঘটনাৰ বিষয়ে শনিবাৰে নিশা ৮.৪১ বজাত দয়ালপুৰ থানাত অভিযোগ লাভ কৰা পিছতে তদন্ত আৰম্ভ কৰে। চিকিৎসকে মুখত আঘাতৰ কথা নিশ্চিত কৰিছে, আৰু সম্ভাব্য যৌন নিৰ্যাতনৰ সন্দেহো উত্থাপন কৰিছে।
এই নাৰকীয় ঘটনাই দিল্লীলৈ আৰু একবাৰ সন্মান আৰু নিৰাপত্তাৰ প্ৰতি গভীৰ প্ৰশ্ন উত্থাপন কৰিছে।
