দিল্লীত ধৰ্ষণৰ বলি অসমীয়া যুৱতী

দিল্লীৰ  গুৰুগ্ৰামত দেওবাৰে কামনাৰ বলি হ’ল অসমৰ এগৰাকী যুৱতী ৷ অসাধু চক্ৰই দিল্লীত কাম কৰাৰ প্ৰলোভনৰে দিল্লী হৈ গুৰুগ্ৰামলৈ সৰবৰাহ কৰা হৈছিল যুৱতী গৰাকীক ৷

মাত্ৰ ৩০০০ হাজাৰ টকাত এজন যুৱকৰ হাতত যুৱতীগৰাকীক গতাই দিছিল দালাল চক্ৰই ৷ এই দালাল চক্ৰটোৰ নেতৃত্বত আছে অসমৰ পূজা আৰু মামনি নামৰ দুগৰাকী মহিলা ৷

খবৰ অনুসৰি, সোমবাৰে নিশা বলপূৰ্বকভাৱে যুৱতীগৰাকীক ৩০০০ টকাত এজন যুৱকৰ লগত হোটেললৈ পঠোৱাৰ পিছত যুৱতীগৰাকীক ধৰ্ষণ কৰাৰ অভিযোগ উত্থাপন হৈছে ৷

ইয়াৰ পিছত গোপনে হোটেলৰ পৰা ওলাই যুৱতী গৰাকীয়ে গুৰুগ্ৰাম আৰক্ষীৰ দ্বাৰস্থ হয় আৰু পোহৰলৈ আহে সমগ্ৰ ঘটনা ৷ যুৱতীগৰাকীৰ ভাষ্য অনুসৰি বহু যুৱতীক এনেদৰেই দেহ ব্যৱসায়ত লিপ্ত কৰাইছে এই অসাধু চক্ৰটোৱে ৷ ঘটনা সন্দৰ্ভত তদন্ত অব্যাহত আছে।