পৰিয়ালটো বাইক চলায় পোহপাল দিয়ে যুৱকজনে। আৰু দিল্লীৰ সেই ৰেপিডো চালকজনে এজন যুৱ নেতাৰ বিয়াৰ খৰচ বহন কৰিছিল। উদয়পুৰৰ তাজ পেলেচত অনুষ্ঠিত হোৱা বিয়াত এক কোটিতকৈও অধিক টকা খৰচ হয়। ইডিৰ তদন্তত প্ৰকাশ পাইছে প্ৰকৃত সত্য।
1xBet ৰ সৈতে জড়িত অনলাইন বেটিং ৰিঙৰ বিৰুদ্ধে তদন্তৰ সময়ত বলবৎকাৰী সঞ্চালকালয়ে গুজৰাটৰ যুৱ নেতা আদিত্য ঝুলাৰ বিবাহৰ বিষয়ে জানিবলৈ দিয়ে। জানিব পৰা মতে, উদয়পুৰৰ তাজ পেলেচত আদিত্যৰ বিয়াত এক কোটি টকাৰো অধিক খৰচ হৈছিল। সেই ধন ৰেপিডো চালকজনৰ বেংক একাউণ্টৰ পৰা দিয়া হৈছিল।
ইয়াৰ উপৰিও ২০২৪ চনৰ আগষ্টৰ পৰা ২০২৫ চনৰ এপ্ৰিল মাহৰ ভিতৰত এই একেটা একাউণ্ট ব্যৱহাৰ কৰি ৩৩১.৩৬ কোটি টকাৰ লেনদেন কৰা হৈছিল।ইডিৰ বিষয়াসকলে কয় যে এই লেনদেন ৰেপিডো চালকৰ একাউণ্ট ব্যৱহাৰ কৰি কৰা হ’লেও সম্ভৱ যে তেওঁ নিজেই এই খবৰৰ বিষয়ে অৱগত নাছিল। বা তেওঁ জানি-বুজি ব্যৱহাৰৰ বাবে একাউণ্টটো ভাড়াত লৈছিল।
বিভিন্ন অজ্ঞাত সূত্ৰৰ পৰা একাউণ্টলৈ ধন প্ৰেৰণ কৰা হৈছে। তদুপৰি পইচা অহাৰ পিছত আন একাউণ্টলৈ পঠিওৱা বুলিও জনা যায়। ইয়াৰে কিছুমান উৎস অবৈধ বেটিং চক্ৰৰ সৈতেও জড়িত।
তদন্তকাৰীৰ মতে এই একাউণ্ট ব্যৱহাৰ কৰি ধনৰ প্ৰকৃত উৎস লুকুৱাবলৈ চেষ্টা কৰা হৈছে। জমা ধনৰ পৰিমাণ আৰু চালকৰ একাউণ্টৰ অপব্যৱহাৰেও ইডিৰ বিষয়াসকলক আচৰিত কৰি তুলিছে। তেওঁলোকৰ দাবী, বেংক একাউণ্টৰ অপব্যৱহাৰৰ পৰিমাণ অহৰহ বৃদ্ধি পাইছে। এই সন্দৰ্ভত সকলোকে সকীয়াই দিছে।
