আদালতৰ পৰা ৰোহাই পালে ডেৰা চাচা সৌদাৰ মুৰব্বী গুৰমীত ৰাম ৰহিম সিঙ। পঞ্জাৱ আৰু হাৰিয়ানা উচ্চ ন্যায়ালয়ে মেনেজাৰ ৰঞ্জিত সিং হত্যাৰ গোচৰত ৰাম ৰহিম আৰু আন ৪ অভিযুক্তক দোষমুক্ত কৰিছে। গুৰমীত ৰাম ৰহিমক দোষী সাব্যস্ত কৰাৰ পিছত এই অভিযোগৰ বিৰুদ্ধে উচ্চ ন্যায়ালয়ে গোচৰ ৰুজু কৰে। সেই আবেদনৰ অনুমতি দিয়াৰ সময়তে এই আদেশ দিয়ে উচ্চ ন্যায়ালয়ে।
এই গোচৰৰ আন অভিযুক্তসকল হৈছে অৱতাৰ সিং, কৃষণ লাল, জছবীৰ সিং আৰু সবদিল সিং। বিচাৰৰ সময়ত এজন অভিযুক্তৰ মৃত্যু হয়। ২০১৯ চনত পঞ্চকুলাৰ চিবিআই আদালতে এটা ধৰ্ষণৰ গোচৰ আৰু এজন সাংবাদিক তথা ডেৰাৰ প্ৰাক্তন মেনেজাৰ ৰঞ্জিত সিঙৰ হত্যাকাণ্ডৰ সৈতে জড়িত দুটা হত্যাকাণ্ডৰ গোচৰত গুৰমীত ৰাম ৰহিমক দোষী সাব্যস্ত কৰিছিল। ২০২১ চনৰ ১৮ অক্টোবৰত আদালতে এই গোচৰত ৰাম ৰহিমৰ লগতে আন চাৰিজনক যাৱজ্জীৱন কাৰাদণ্ডৰ শাস্তি প্ৰদান কৰে।
লগতে পঢ়কঃ ৰেমালৰ সংহাৰী ৰূপ : মিজোৰামত শিলৰ কুৱেৰী ভাঙি ১০ জনৰ মৃত্যু, কেইবাজনো নিৰুদ্দেশ
পঞ্জাৱ আৰু হাৰিয়ানা উচ্চ ন্যায়ালয়ত এই ৰায়ক প্ৰত্যাহ্বান জনায় ডেৰাৰ মুৰব্বীগৰাকীয়ে। অৱশ্যে ধৰ্ষণ গোচৰ আৰু সাংবাদিক হত্যাৰ গোচৰত তেওঁৰ আবেদন এতিয়াও বিচাৰাধীন হৈ আছে। সম্প্ৰতি ৰাম ৰহিম ৰোহটকৰ সুনাৰিয়া কাৰাগাৰত আবদ্ধ হৈ আছে। বৰ্তমান দুগৰাকী ছাত্ৰীক ধৰ্ষণ কৰাৰ অপৰাধত ২০ বছৰৰ কাৰাদণ্ড ভুগি আছে।
ডেৰা চাচা সৌদাৰ প্ৰাক্তন মেনেজাৰ ৰঞ্জিত সিঙক ২০০২ চনত হত্যা কৰা হৈছিল। চিবিআইৰ অভিযোগনামা অনুসৰি ডেৰাৰ মুৰব্বীগৰাকীৰ যৌন নিৰ্যাতনৰ সকলো ঘটনা সন্দৰ্ভত ৰাজহুৱাভাৱে ওলোৱা চিঠিখনৰ আঁৰত ৰঞ্জিত সিং থকাৰ সন্দেহ কৰিছিল ৰাম ৰহিমে।
লগতে পঢ়কঃ ধুমুহাৰ তাণ্ডৱ! অটোৰে কলেজলৈ গৈ থকা অৱস্থাত মৰিগাঁৱত গছ পৰি ছাত্ৰৰ মৰ্মান্তিক মৃত্যু
চি বি আই আদালতে কয় যে চিঠিখন পোহৰলৈ অহাৰ পিছত ৰাম ৰহিমে স্বাভাৱিকতে বিচলিত হৈ তাৰ পিছত বাকী অভিযুক্তৰ সৈতে ৰঞ্জিতক হত্যা কৰাৰ পৰিকল্পনা কৰিছিল। শেহতীয়াকৈ পঞ্জাৱ আৰু হাৰিয়ানা উচ্চ ন্যায়ালয়ে ৰাম ৰহিমক আত্মসমৰ্পণৰ নিৰ্দেশ দিয়ে আৰু হাৰিয়ানা চৰকাৰক আদালতৰ অনুমতি অবিহনে তেওঁক পুনৰ পেৰ’ল দিয়াৰ কথা বিবেচনা নকৰিবলৈ কয়।
