বিশ্বনাথৰ বৰপথাৰত বানে সংহাৰী ৰূপ কৰিছে।
বাঢ়নী পানীয়ে সংযোগ বিচ্ছিন্ন কৰিলে বিশ্বনাথৰ বৰপথাৰ আৰু মাজুলীগড় পথ। পানীৰ তলত ডুব গৈছে বহু লোকৰ ঘৰ দুৱাৰ ।
এফালে মহামাৰী কৰোনাৰ আতংক আৰু আনফালে ভূতৰ ওপৰত দানহৰ
ৰূপ লৈছে ৰাজ্যত বানৰ সন্ত্ৰাসে।
যোৱা কেইবাদিনো ধৰি বিশ্বনাথত হোৱা নেৰা নেপেৰা বৰষুণৰ ফলত এতিয়া বানৰ কবলত পৰিছে বিশ্বনাথৰ উত্তৰ অঞ্চলৰ বৰপথাৰ ।
নেৰা নেপেৰা বৰষুণৰ ফলত ফেনে ফুটুকাই বাঢ়িছে এই অঞ্চলত দিৰিং নদীৰ পানী ।
ফলত নিশাটোৰ ভিতৰতে অঞ্চলটো সম্পূৰ্ণ জলমগ্ন কৰিছে বানে।
আনকি এই অঞ্চলৰ কেইবাখনো গাওঁৰ সংযোগী পথ বৰপথাৰ আৰু মাজুলীগড়ৰ সংযোগী পথটোও উটুৱাই নিলে পানীয়ে।
এই অঞ্চলটোৰ প্ৰায়ে ঘৰবোৰ ডুবি গৈছে বানপানীত।
বহু লোকে নিজৰ ঘৰ দুৱাৰ এৰি ঢাপলি মেলিছে নিৰাপদ স্থানলৈ।
ইফালে নিশাটোৰ ভিতৰতে বানে সন্ত্ৰাস চলোৱাৰ বাবে এই অঞ্চলৰ লোক সকলে তীব্ৰ খাদ্য সংকটত পৰিছে।
এতিয়া বিশ্বনাথ জিলা প্ৰশাসনে বানপানী কবলত পৰা এই সকল লোকৰ বাবে অতি শীঘ্ৰে ব্যবস্থা গ্ৰহণ কৰাৰ দাবী স্থানীয় লোকে।
ৰাজ্যত এফালে কৰোনাৰ সন্ত্ৰাস আৰু আনফালে ঠায়ে ঠায়ে বানপানীৰ তীব্ৰ ৰূপে এক জটিল পৰিস্থিতিৰ সৃষ্টি কৰিছে।