আন্ত:ৰাজ্যিক বাইক চুৰি চক্ৰ উৎখাত সম্পৰ্কত ঘটনাৰ বুজ লোৱাৰ বাবে আজি দুধনৈত উপস্থিত হয় অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত।
উল্লেখ্য যে, দুধনৈ আৰক্ষীয়ে সফল অভিযান চলাই বিগত দহটা দিনত বৃহৎ যানবাহন চুৰি চক্ৰ এটা উৎখাত কৰা কৰিবলৈ সক্ষম হৈছে ৷
ইতিমধ্যে অসমৰ মূখ্যমন্ত্ৰী ড° হিমন্ত বিশ্ব শৰ্মাও দুধনৈ আৰক্ষীৰ সফলতাক শলাগ লৈছে ৷
উল্লেখযোগ্য যে, দুধনৈ আৰক্ষী থানাৰ ভাৰপ্ৰাপ্ত বিষয়া মুকুট কাকতিৰ নেতৃত্বত বিগত দহ দিনত গোৱালপাৰা জিলাৰ উপৰি চুবুৰীয়া ৰাজ্য মেঘালয়ৰ লগতে বিভিন্ন অঞ্চলৰ পৰা বৰ্তমানলৈ ৫১ খন চুৰি বাইক, এখন টাটা ডি,আই বাহন উদ্ধাৰৰ লগতে ২৩ জন বাইক চোৰক গ্ৰেপ্তাৰ কৰিবলৈ সক্ষম হৈছে আৰক্ষীয়ে ৷
লগতে চুৰি বাহনৰ ভুৱা পঞ্জীয়ন কৰা লেপটপ, প্ৰিন্টাৰ, চুৰি কাৰ্যত ব্যৱহৃত বিভিন্ন সামগ্ৰীৰ লগতে ভুৱা নম্বৰ প্লেট সফলতাৰে অভিযান চলাই উদ্ধাৰ কৰিছে আৰক্ষীয়ে ৷
যোৱা ৫ জুনৰ পৰা বৰ্তমানলৈ আৰক্ষীয়ে বাইক চুৰি চক্ৰ উৎখাতৰ বাবে জোৰদাৰ অভিযান চলাই গৈছে ৷ ৫ জুনত দুধনৈ আৰু ৰংজুলি আৰক্ষীৰ যুতীয়া অভিযানত ৰংজুলি ফৰেষ্ট কাণকাটাৰ পৰা কুখ্যাত বাইক চোৰ আব্দুল বাৰিকক গ্ৰেপ্তাৰ কৰিছিল ৷
তাৰ পিছতে মূল অভিযুক্তৰ স্বীকাৰোক্তিৰ ভিত্তিত গ্ৰেফটাৰ কৰিবলৈ সক্ষম হৈছে ২৩ জনকৈ চোৰক ৷ লগতে উদ্ধাৰ হৈছে অৰ্ধ শতাধিক চুৰি বাহন ৷
দুধনৈত উপস্থিত হৈ আৰক্ষী সঞ্চালকপ্ৰধান গৰাকীয়ে গোৱালপাৰা আৰক্ষীক ধন্যবাদ জনায় ৷ অসমৰ পৰা গাড়ী চুৰি চক্ৰ সম্পূৰ্ণভাৱে উৎখাত কৰা হ’ব বুলি সাংবাদিকৰ আগত কয় আৰক্ষী সঞ্চালক প্ৰধান গৰাকীয়ে ৷
আনহাতে মেঘালয়ৰ লগতে ৰাজ্যখনৰ বিভিন্ন প্ৰান্তৰ চুৰি বাইক ক্ৰয় কৰা লোক সকলক আৰক্ষীয়ে বিচাৰ খোচাৰ কৰাৰ আগতে থানাত জমা দিয়াৰ আহ্বান আৰক্ষী সঞ্চালক প্ৰধান গৰাকীৰ ৷
