বুধবাৰে ভাৰতীয় জাতীয় কংগ্ৰেছে কয় যে প্ৰাক্তন উপ-ৰাষ্ট্ৰপতি জগদীপ ধনখড় পদত্যাগ কৰাৰ পাছত ১০০ দিন ধৰি সম্পূৰ্ণ নিমাত হৈ আছে। আজি পৰ্যন্ত ধনখড়ৰ কোনো চৰকাৰী বিদায় অনুষ্ঠানৰো আয়োজন কৰা নহ’ল।
জনসংযোগ বিভাগৰ দায়িত্বত থকা কংগ্ৰেছৰ সাধাৰণ সম্পাদক জয়ৰাম ৰমেশে কয় যে ভাৰতীয় ৰাজনৈতিক ইতিহাসৰ এক অভূতপূৰ্ব ঘটনা সংঘটিত হোৱাৰ ঠিক ১০০ দিন হ’ল।
এশ দিন ধৰি আগতে দৈনিক শিৰোনাম দখল কৰা প্ৰাক্তন উপ-ৰাষ্ট্ৰপতিগৰাকী সম্পূৰ্ণ “নিৰৱ আৰু অদৃশ্য” বুলি কংগ্ৰেছ নেতাগৰাকীয়ে উল্লেখ কৰে।
ৰমেশে আৰু কয় যে ৰাজ্যসভাৰ অধ্যক্ষ হিচাপে প্ৰাক্তন উপ-ৰাষ্ট্ৰপতিগৰাকী বিৰোধীৰ কোনো মহান বন্ধু নাছিল।
ৰমেশে কয়, “তেওঁ আগতে বিৰোধী দলক অহৰহ আৰু অন্যায়ভাৱে টানি আনিছিল। তথাপিও গণতান্ত্ৰিক পৰম্পৰা অনুসৰি বিৰোধীয়ে কৈ আহিছে যে তেওঁৰ পূৰ্বৰ সকলোৰে দৰে অন্ততঃ বিদায়ী অনুষ্ঠানৰ যোগ্য। সেয়া হোৱা নাই।”
ধনখৰ ডাঙৰীয়াৰ পদত্যাগৰ পিছত কংগ্ৰেছে দাবী কৰিছিল যে উপ-ৰাষ্ট্ৰপতি পদৰ পৰা পদত্যাগ কৰাৰ আঁৰৰ কাৰণ তেওঁ উল্লেখ কৰা স্বাস্থ্যজনিত সমস্যাতকৈ “বহুত গভীৰ”।
