চাঞ্চল্যকৰ ওম প্ৰকাশ আগৰৱাল হত্যাকাণ্ডৰ মূল অভিযুক্ত ইবাদ আলী ওৰফে আমিন (২০)ক সোমবাৰে ডিব্ৰুগড় আৰক্ষীয়ে গ্ৰেপ্তাৰ কৰে।
মূল অভিযুক্ত আমিনক আৰক্ষীৰ দলে ডিব্ৰুগড়ৰ পল্টন বজাৰৰ পৰা গ্ৰেপ্তাৰ কৰে বুলি জানিব পৰা যায়।
‘ডিব্ৰুগড়ৰ পল্টন বজাৰৰ পৰা ইবাদ আলীক গ্ৰেপ্তাৰ কৰা হয়। তেওঁ ২০১৮ চনৰ ডিচেম্বৰ মাহত সংঘটিত এটা হত্যাকাণ্ডৰ সৈতেও জড়িত’। ডিব্ৰুগড়ৰ অতিৰিক্ত আৰক্ষী অধীক্ষক পদ্মনাভ বৰুৱাই জনায়।
‘জেইলৰ পৰা ওলাই আহিয়েই দ্বিতীয়টো হত্যাকাণ্ড সংঘটিত কৰিছিল। বৰ্তমান তেওঁক সোধা-পোছা কৰি থকা হৈছে আৰু আমি অতি শীঘ্ৰে তেওঁৰ কেইবাজনো সহযোগীক গ্ৰেপ্তাৰ কৰিম’। বৰুৱাই এই কথা উল্লেখ কৰে।
উল্লেখ্য যে শ্ৰী বিনায়ক নামৰ এটা ফ্ল’ৰ মিলৰ কৰ্মচাৰী ৫৫ বছৰীয়া ওম প্ৰকাশ আগৰৱালক ২০১৯ চনৰ ১৯ নৱেম্বৰৰ সন্ধিয়া ডিব্ৰুগড়ৰ গ্ৰাহাম বজাৰৰ সমীপত দুৰ্বৃত্তই গুলীয়াই হত্যা কৰিছিল।
আগৰৱালাই সন্ধিয়া প্ৰায় ৫.১৩ মান বজাত বজাৰৰ পৰা ঘৰলৈ উভটি আহি থকাৰ সময়তে ইদগাহ মৈদানৰ ওচৰত উক্ত ঘটনাটো সংঘটিত হৈছিল।
