এক হৃদয় বিদাৰক ঘটনাত শনিবাৰে ডিব্ৰুগড় চহৰত মথাউৰিত ৰখা কাৰ্ডবৰ্ডৰ বাকচত পৰিত্যক্ত অৱস্থাত উদ্ধাৰ হয় এটি নৱজাতক।
কেঁচুৱাটোক চিকিৎসা পৰীক্ষাৰ বাবে অসম চিকিৎসা মহাবিদ্যালয় হাস্পতাললৈ লৈ যোৱাত চিকিৎসকে নৱজাতকটোক মৃত বুলি ঘোষণা কৰে।
স্থানীয় ৰাইজৰ মতে, ভিতৰত কেঁচুৱাটো থকা কাৰ্ডবৰ্ডটো ডিব্ৰুগড় টাউন প্ৰটেকচন (ডিটিপি) মথাউৰিত পেলাই দিয়ে চহৰখনৰ জালান নগৰ অঞ্চলত অৱস্থিত ব্যক্তিগত স্বাস্থ্যসেৱা কেন্দ্ৰ আপেক্ষা হাস্পতালৰ এজন কৰ্মচাৰীয়ে।
লগতে পঢ়ক: অসমৰ সাঁতোৰ প্ৰশিক্ষকৰ বিৰুদ্ধে মহিলা খেলুৱৈক যৌন নিৰ্যাতন চলোৱাৰ অভিযোগ
স্থানীয় বাসিন্দাসকলে জনোৱা মতে, মথাউৰিত থকা কাৰ্ডবৰ্ডৰ বাকচৰ ভিতৰত শিশুটিক দেখা পায় এগৰাকী মহিলাই।
স্থানীয় এজন বাসিন্দাই কয়, ‘আমি দেখিছো যে আপেক্ষা হাস্পতালৰ ইউনিফৰ্ম পিন্ধা এজন ল’ৰাই কাৰ্ডব’ৰ্ডৰ বাকচটো আনি মথাউৰিত পেলাই দিছে। আমি যেতিয়া কাৰ্ডবৰ্ডৰ বাকচটোৰ ভিতৰত কেঁচুৱাটো দেখা পালোঁ, তেতিয়া তেওঁ জীয়াই আছিল। আমি লগে লগে নৱজাত শিশুটিক এ এম চি এইচলৈ লৈ যাওঁ য’ত চিকিৎসকে মৃত বুলি ঘোষণা কৰে।’
লগতে পঢ়ক: মুম্বাইৰ যুৱক, দক্ষিণ ভাৰতীয় যুৱতীৰে বিয়া! সূৰ্য্যকুমাৰৰ প্ৰেম কাহিনীয়ে মুগ্ধ কৰিব আপোনাক
সূত্ৰৰ পৰা জানিব পৰা মতে, দুলীয়াজানৰ এগৰাকী মহিলাই চিকিৎসালয়ত যমজ সন্তান জন্ম দিছিল যদিও প্ৰসৱৰ পিছত চিকিৎসকে এটা সন্তানক মৃত বুলি ঘোষণা কৰে।
এক সূত্ৰই কয়, ‘যেতিয়া চিকিৎসকে প্ৰসৱৰ পিছত এটা কেঁচুৱাক মৃত বুলি ঘোষণা কৰিছিল, তেতিয়া অভিভাৱকে অপেক্ষা হাস্পতালৰ কৰ্মচাৰীসকলক কেঁচুৱাটোৰ মৃতদেহ পেলাবলৈ কয়। চিকিৎসালয়ৰ কৰ্মচাৰীয়ে কেঁচুৱাটোক মথাউৰিত পেলোৱাৰ পিছত স্থানীয় লোকে শিশুটিক জীৱিত অৱস্থাত উদ্ধাৰ কৰিছিল।’
অৱশ্যে আপেক্ষা হাস্পতালৰ কৰ্তৃপক্ষই এই অভিযোগ অস্বীকাৰ কৰিছে।
লগতে পঢ়ক:অসহায় প্ৰাক্তন প্ৰধানমন্ত্ৰী; আমেৰিকাৰ সাংসদৰ সৈতে ইমৰাণ খানৰ অডিঅ’ ক্লিপ ফাদিল!
আপেক্ষা হাস্পতালৰ সঞ্চালক জয়প্ৰকাশ বেৰিৱালে কয়, ‘এয়া আমাৰ বিৰুদ্ধে ভুৱা অভিযোগ। এখন সুনাম থকা চিকিৎসালয় হিচাপে আমি এনেকুৱা কাম কৰিব নোৱাৰো৷ আমাৰ চিকিৎসালয়ত যমজ সন্তান জন্ম হৈছিল আৰু ইয়াৰে এটা কেঁচুৱা জন্মতে মৃত। আমি মৃত কেঁচুৱাটো তেওঁলোকৰ পিতৃ-মাতৃক গতাই দিছো আৰু তেওঁলোকে আমাৰ চিকিৎসালয়ৰ এজন ছাফাইকৰ্মীক কেঁচুৱাটোৰ মৃতদেহ পেলাই দিবলৈ কয়।’
