আপুনি আধাৰ আৰু পান কাৰ্ড লিংক কৰিলেনে? যদি নাইকৰা তেন্তে হাতত আছে মাত্ৰ ৩দিন;অন্যথা সন্মুখীন হ’ব এই সমস্যাৰ

আপোনাৰ হাতত আছে মাত্ৰ তিনিদিন।যদি এতিয়াও পেন-আধাৰ লিংক কৰা নাই তেন্তে এতিয়াই কৰক। অন্যথা টিডিএছ অতিৰিক্ত হাৰত নামি আহিব পাৰে। মঙলবাৰে আয়কৰ বিভাগে এই কথা দেশবাসীক সোঁৱৰাই দিয়ে।

ভাৰতৰ আয়কৰ বিভাগে সকলোকে সোঁৱৰাই দিছে যে আধাৰ নম্বৰক পেনৰ সৈতে সংযোগ কৰাৰ সুযোগ অহা ৩১ মে’ত শেষ হ’ব। সেই বাৰ্তাত সকলোকে এই কেইদিনৰ ভিতৰত লিংক কৰিবলৈ অনুৰোধ জনোৱা হৈছে। যিসকলে নকৰে, তেওঁলোকৰ পৰা অতিৰিক্ত হাৰত TDS বা Tax Deduction at Source লোৱা হ’ব।

বাৰ্তাটোত আয়কৰ বিভাগে লিখিছে, কৰদাতাসকলে আবেদন কৰক। ৩১ মে, ২০২৪ ৰ ভিতৰত আধাৰ কাৰ্ড নম্বৰ PAN ৰ সৈতে লিংক কৰিব। যদি আপুনি এনে কৰে তেন্তে অতিৰিক্ত হাৰত কৰ আৰোপ কৰা নহ’ব। প্ৰসংগক্ৰমে এইবাৰ আয়কৰ বিভাগে এনে অধিসূচনা জাৰি কৰা নাই। ইয়াৰ পূৰ্বে ২৩ এপ্ৰিলতো কৰদাতাসকলক এইদৰে পান-আধাৰ সংযোগ কৰিবলৈ সোঁৱৰাই দিয়া হৈছিল।

পান-আধাৰ সংযোগ কিয় গুৰুত্বপূৰ্ণ?

আয়কৰ বিভাগে কৰদাতাৰ বাবে পেন আৰু আধাৰ সংযোগ বাধ্যতামূলক কৰিছে। যিসকলে ৩১ মে’ৰ ভিতৰত লিংক নকৰে তেওঁলোকে অতিৰিক্ত কৰ দিব লাগিব বুলি বিভাগটোৱে বাৰ্তাটোত সোঁৱৰাই দিছে। তাতোকৈ গুৰুতৰভাৱে যদি তেওঁলোকে সংযোগ নকৰে তেন্তে তেওঁলোকৰ পান কাৰ্ড নম্বৰ নিষ্ক্ৰিয় হ’ব পাৰে। সেই ক্ষেত্ৰত কৰ ৰিটাৰ্ণ দিয়াত সমস্যা হ’ব পাৰে। কৰ ঘূৰাই দিয়াৰ বিষয়টো সমস্যাজনক হ’ব পাৰে। দৰমহা, টাৰ্ম ডিপ’জিটৰ সুতৰ পৰা অধিক হাৰত টিডিএছ কৰ্তন কৰা হ’ব।