বাক্সাৰ কুমাৰীকাটা- মুছলপুৰ-জালাহ পথৰ টাইগাৰ দলং খনে জনসাধাৰণক খুৱাইছে জ্বলা কলা।
দলংত সৃষ্টি হৈছে প্ৰকাণ্ড প্ৰকাণ্ড গাঁত।
বাক্সা জিলাৰ তামুলপুৰ মহকুমাৰ কুমাৰীকাটা- মুছলপুৰ-জালাহ সংযোগী পথৰ কালানদীৰ ওপৰত থকা এখন পকী দলং।
দলং খনে এতিয়া ৰাইজক খুৱাইছে জ্বলা কলা ৷
সীমান্ত পথ নিৰ্মাণ সংস্থাই ২০০২ চনতে ১কোটি ৬৩ লাখ টকা ব্যয় কৰি “টাইগাৰ প্ৰকল্প” নাম দি দলং খন নিৰ্মাণ কৰি ৰাইজৰ কাৰণে মুকলি কৰি দিছিল ৷
নিৰ্মাণৰ কিছু বছৰ ঠিকে আছিল যদিও এতিয়া দলং খনৰ মাজত প্ৰকাণ্ড প্ৰকাণ্ড গাঁতৰ সৃষ্টি হৈ বিধস্ত হৈছে দলং খন ৷
দলংখনৰ কেইবাঠাইতো বৃহৎ বৃহৎ প্ৰকাণ্ড গাঁতৰ সৃষ্টি হোৱাত যাতায়তৰ বাবে অনুপযোগী হৈ পৰিছে সদা ব্যস্ত দলংখন ৷
যাৰ বাবে সঘনাই সংঘটিত হয় দুৰ্ঘটনা।
আনকি বিদ্যালয়- মহাবিদ্যালয়লৈ অহা যোৱা কৰা ছাত্র-ছাত্ৰী দুৰ্ঘটনাত পতিত হৈ আহিছে।
মাজে মাজে দলংখন মেৰামতি কৰি চৰকাৰী ধনৰ অপচয় কৰে যদিও পুনৰ বাৰিষা আহিলেই বিধস্ত হৈ পৰে দলংখন।
দলংখনৰ দুৰৱস্থাৰ কাৰণে ৰাইজে দুৰ্ভোগ ভুগিবলগীয়া হৈছে৷
সেয়ে সময় থাকোতে কোটিটকীয়া পকী দলংখন অসম চৰকাৰ আৰু বিটিচি চৰকাৰে পুনৰ নিৰ্মাণ কৰি যাতায়তৰ সুচল ব্যৱস্থা কৰি দিবলৈ স্থানীয় ৰাইজে দাবী জনাইছে৷