বহুতে ধেমেলীয়াকৈ কয়, মূৰত পোকে কামুৰিছে নেকি! বাস্তৱত অৱশ্যে সেয়া কমেই দেখা যায়। কিন্তু এইবাৰ মূৰততো নহয়, সঁচাসচিকৈ পোক ওলাল চকুত! তাকো কিলবিলাই থকা জীৱন্ত পোক! এক ভয়ংকৰ ঘটনাৰে পুনৰবাৰ শিৰোনাম দখল কৰিলে চীনে। এইবাৰ সেই দেশৰ এগৰাকী মহিলাৰ চকুৰ পৰা পেলু ওলোৱাৰ ঘটনাই চাঞ্চল্যৰ সৃষ্টি কৰিছে।
চকু দুটা বহু দিন ধৰি খজুৱাই আছিল। খজুৱতিটো ইমানেই অস্বস্তিকৰ হৈ পৰে যে মহিলাগৰাকীয়ে আৰু নিজকে নিয়ন্ত্ৰণ কৰিব নোৱাৰিলে। অৱশেষত তেওঁ ডাক্তৰৰ ওচৰলৈ গৈ যি গম পালে তাতে বহুতেই স্তম্ভিত হৈ পৰিল।
জানিব পৰা মতে, চিকিৎসকে মহিলাগৰাকীৰ চকুৰ পৰা ৬০টা পেলু আঁতৰাই পেলাইছে। মহিলাগৰাকীয়ে জনোৱা মতে, কিছুদিন পূৰ্বে তেওঁৰ চকুত এটা পৰজীৱী পেলু পৰিছিল। তেতিয়াৰ পৰা খজুৱতি আৰম্ভ হয়।
লগতে পঢ়কঃ যদি আপুনি ধাৰাবাহিক বিফলতাৰ সন্মুখীন হৈছে তেন্তে চাণক্যৰ এই নীতি মানক, আহিব সফলতা
তেওঁ চকুত এক অস্বাভাৱিক ধৰণৰ অস্বস্তিও অনুভৱ কৰিবলৈ ধৰিলে। পিছত ডাক্তৰৰ ওচৰলৈ যাওঁতে ডাক্তৰে সন্দেহ কৰিলে যে তেওঁৰ চকুত পৰজীৱী আছে। ইয়াৰ পিছত বিভিন্ন পৰীক্ষা আৰু চিকিৎসা অনুসন্ধানত এই পৰজীৱীয়ে চকুত বাহ বন্ধা বুলি জানিব পৰা গৈছে।
দেখা যায় যে তেওঁৰ বাওঁ চকুত প্ৰায় ৪০ টা আৰু সোঁ চকুত ২০ টা পৰজীৱী আছে। যাৰ কাৰ্য্যকলাপে মহিলাৰ চকুত খজুৱতি বা অস্বস্তিৰ সৃষ্টি কৰে। মহিলাগৰাকীৰ চকুৰ পতা আৰু চকুৰ মণিৰ মাজত পেলুবোৰে বাস কৰিছিল বুলি চিকিৎসকে জানিবলৈ দিয়ে। এক ধৰণৰ গোলাকাৰ পৰজীৱীয়ে বাস কৰিছিল।
উল্লেখ্য যে কৃমি বা পেলুক পৰজীৱী বুলি কোৱা হয়। তেনে ক্ষেত্ৰত চকুত পৰজীৱীয়ে বাহ সজা ঘটনা যথেষ্ট ভয়ংকৰ কথা। এই পৰজীৱীটো ফিলাৰিয়াডিয়া পৰিয়ালৰ অন্তৰ্গত। সাধাৰণতে এইবিধ পৰজীৱী মাখিৰ কামোৰৰ পৰাই মানুহৰ শৰীৰত প্ৰৱেশ কৰে। কিন্তু মহিলাগৰাকীয়ে কয় যে এই পৰজীৱীৰ পলু কুকুৰ বা মেকুৰীৰ পৰা তেওঁৰ চকুলৈ আহিছে।
লগতে পঢ়কঃঅসম-মিজোৰাম সীমান্তত আৱিষ্কাৰ অষ্টম শতিকাৰ হিন্দু-বৌদ্ধ ভাস্কৰ্য
মহিলাগৰাকীয়ে দাবী কৰে যে তেওঁৰ পোহনীয়া জন্তুৰ পৰাই এই পৰজীৱীটো তেওঁৰ শৰীৰলৈ আহিছিল। আৰু হাতখন চকুত দিয়াৰ লগে লগে পৰজীৱীটোৱে তাত বাস কৰিবলৈ আৰম্ভ কৰে।
কিছুমান পৰজীৱীয়ে চকু অন্ধ কৰি দিব পাৰে বুলি কোৱা হয়। এই পৰজীৱীবোৰে দৃষ্টিহীনতাৰ সৃষ্টি কৰিব পাৰে। অৱশ্যে আফ্ৰিকাতহে এনে পৰজীৱী পোৱা যায়। চীনত ইয়াৰ অৱস্থিতি এক অস্বাভাৱিক ঘটনা।
