আন্তৰ্জাতিক ফৌজদাৰী আদালতৰ (International Criminal Court) ওপৰত নিষেধাজ্ঞা আৰোপ কৰিছে ড’নাল্ড ট্ৰাম্পে।
দুদিন পূৰ্বে ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে আমেৰিকাৰ ৰাষ্ট্ৰপতিৰ সৈতে সাক্ষাৎ কৰিছিল। আন্তঃৰাষ্ট্ৰীয় ফৌজদাৰী আদালতে যোৱা মাহত নেতানিয়াহুৰ গ্ৰেপ্তাৰৰ পৰোৱানা জাৰি কৰিছিল।
ইজৰাইলৰ প্ৰধানমন্ত্ৰীয়ে ট্ৰাম্পৰ সৈতে হোৱা বৈঠকত এই বিষয়টো উত্থাপন কৰে। তেওঁলোকৰ আলোচনাৰ প্ৰেক্ষাপটতে ট্ৰাম্পে এই সিদ্ধান্ত লোৱা বুলি অনুমান কৰা হৈছে।
শেহতীয়াকৈ আন্তৰ্জাতিক ফৌজদাৰী আদালতে কেৱল নেতানিয়াহুৰ বিৰুদ্ধেই নহয়, ৰাছিয়াৰ ৰাষ্ট্ৰপতি ভ্লাদিমিৰ পুটিনৰ বিৰুদ্ধেও গ্ৰেপ্তাৰী পৰোৱানা জাৰি কৰিছিল।
আমেৰিকাৰ ৰাষ্ট্ৰপতিৰ এই সিদ্ধান্তৰ ফলত আমেৰিকাই আন্তৰ্জাতিক ফৌজদাৰী আদালতৰ সৈতে সহযোগিতা কৰা ব্যক্তি আৰু দেশৰ বিৰুদ্ধে নিষেধাজ্ঞা আৰোপ কৰিব পাৰে। সাধাৰণতে নিৰ্দিষ্ট ব্যক্তিৰ ওপৰত প্ৰায়ে ভিছাৰ নিষেধাজ্ঞা আৰোপ কৰা হয়।
নেতানিয়াহুৰ সৈতে হোৱা বৈঠকত গাজা সন্দৰ্ভত ট্ৰাম্পে এক বুজাবুজিত উপনীত হয়। আমেৰিকাৰ ৰাষ্ট্ৰপতিয়ে গাজা দখল কৰিব বিচাৰিছে। ট্ৰাম্পে কয় যে আমেৰিকাই গাজা পুনৰ নিৰ্মাণ কৰিব।
নেতানিয়াহুৰ সৈতে সাক্ষাৎ কৰাৰ তিনিদিন পিছত আমেৰিকাৰ ৰাষ্ট্ৰপতিগৰাকীয়ে আন্তৰ্জাতিক ফৌজদাৰী আদালতৰ বিৰুদ্ধে কঠোৰ ব্যৱস্থা গ্ৰহণ কৰে।
