চাহ খোৱা আৰু আঁঠুৰ বিষৰ মাজত কোনো প্ৰত্যক্ষ সম্পৰ্ক নাই যদিও শীতকালত পানী কমকৈ খোৱা আৰু সঘনাই চাহ-কফি খালে সমস্যা বৃদ্ধি পাব পাৰে বুলি মত দিছে চিকিৎসকসকলে।
তেওঁলোকৰ মতে চাহ নিজেই ক্ষতিকাৰক নহয়। কিন্তু শৰীৰত যদি পানীৰ অভাৱ থাকে আৰু তাত অতিৰিক্ত কেফেইন যুক্ত হয় তেন্তে আঁঠুৰ বিষ বাঢ়িব পাৰে, বিশেষকৈ যিসকলৰ ইতিমধ্যে বাতবিষ আছে।
আঁঠুৰ গাঁঠিত পেশী, লিগামেণ্ট, কাৰ্টিলেজ, কেপচুল, চাইন’ভিয়াল মেমব্ৰেন, চাইন’ভিয়াল ফ্লুইড আদি থাকে। চাইনোভিয়াল ফ্লুইডে আঁঠুটো মসৃণভাৱে চলাচল কৰি ৰাখে আৰু হাড়ৰ মাজত ঘৰ্ষণ কমায়। এই তৰল পদাৰ্থৰ মূল উপাদান হ’ল পানী। শৰীৰৰ পানীৰ মাত্ৰা কমি গ’লে এই তৰল পদাৰ্থও কমি যায়, যাৰ ফলত আঁঠুৰ গাঁঠিবোৰ শুকাই যায়।
চিকিৎসকৰ মতে চাহ আৰু কফিত থকা কেফেইনে জলশূন্যতা বৃদ্ধি কৰিব পাৰে। শীতকালত বহুতে পানী কমকৈ খায় আৰু কাপৰ পিছত কাপ চাহ-কফি খায়, যাৰ ফলত শৰীৰত কেফেইনৰ মাত্ৰা বৃদ্ধি পায় আৰু চাইন’ভিয়াল ফ্লুইডৰ ভাৰসাম্য বিঘ্নিত হৈ পৰে। তেতিয়াই বিষ বা অস্বস্তিৰ সৃষ্টি হয়।
চাহ আৰু আঁঠুৰ বিষৰ মাজত কি সম্পৰ্ক?
আঁঠুৰ গাঁঠিত পেশী, লিগামেণ্ট, কাৰ্টিলেজ, কেপচুল, চাইন’ভিয়াল মেমব্ৰেন, চাইন’ভিয়াল ফ্লুইড, আৰু শিৰা আৰু ধমনী আদি বহুতো বস্তু থাকে। ছাইনোভিয়াল মেমব্ৰেনৰ দ্বাৰা নিঃসৃত চাইন’ভিয়াল তৰল পদাৰ্থই আঁঠুৰ গাঁঠিটো মসৃণ কৰি ৰাখে। এই তৰল পদাৰ্থই আঁঠুৰ গাঁঠিটোক দৈনিক খোজ কঢ়া, দৌৰা, বহাৰ ফলত হোৱা ঘৰ্ষণৰ পৰা ৰক্ষা কৰে।
চাইন’ভিয়াল ফ্লুইডৰ মূল উপাদান হ’ল পানী, যিয়ে গাঁঠিটো আৰ্দ্ৰ কৰি ৰাখে আৰু হাড়ৰ মাজত ঘৰ্ষণ কমায়। এই পানী শুকাই গ’লে অসুবিধা হ’ব। চাহ বা কফিত ইমানেই কেফেইন থাকে যে ই গাঁঠিত থকা চাইন’ভিয়াল তৰল পদাৰ্থ শুকুৱাই পেলাব পাৰে। চিকিৎসকৰ দাবী, শীতকালত বহুতে পানী কমকৈ খায় আৰু সঘনাই চাহ বা কফি খায়। ফলত শৰীৰত কেফেইন বৃহৎ পৰিমাণে জমা হয়, যাৰ ফলত ছাইনোভিয়াল তৰলৰ ভাৰসাম্য বিঘ্নিত হ’ব পাৰে। তেতিয়া বিষ আৰম্ভ হ’ব।
অধিক পানী খাওক
বিশেষজ্ঞসকলে শীতৰ দিনত পৰ্যাপ্ত পৰিমাণৰ পানী আৰু তৰল পদাৰ্থ সেৱন কৰাৰ পৰামৰ্শ দিয়ে। চাহ-কফিৰ পৰিমাণ কমাই তাৰ পৰিৱৰ্তে ডিটক্স ড্ৰিংকছ, আলমণ্ডৰ গাখীৰ, হলুদ-ডালচেনি চাহ বা অট স্মুদি খালে উপকাৰী। ইয়াৰ ফলত শৰীৰটো আৰ্দ্ৰ হৈ থাকিব আৰু আঁঠুত অতিৰিক্ত চাপ নপৰে।
