কেন্সাৰৰ আশংকা কমাব পাৰে এই তিনি পানীয়ই! হাৰ্ভাৰ্ডৰ গৱেষণাত পোহৰলৈ আহিছে এই তথ্য

কেন্সাৰ দৰে মাৰাত্মক ৰোগৰ পৰা হাত সাৰিবলৈ কেৱল ঔষধৰ ওপৰতে নির্ভৰ কৰিব নালাগে—এই মন্তব্য হাৰ্ভাৰ্ড বিশ্ববিদ্যালয়ৰ গৱেষকসকলৰ। তেওঁলোকে কৰা এক গৱেষণাত এই কথা পোহৰলৈ আহিছে যে দৈনন্দিন জীৱনত কিছু পানীয় অন্তৰ্ভুক্ত কৰিলে কৰ্কট ৰোগৰ সম্ভাৱনা যথেষ্ট পৰিমাণে হ্ৰাস কৰিব পৰা যায়। এই পানীয়বোৰ কেৱল কেন্সাৰেই নহয়, আন বহু ধৰণৰ জটিল ৰোগৰ আশংকাও কমাই দিয়ে।

১. মাচা গ্ৰীণ টি (Matcha Green Tea)

মাচা চাহত পলিফেনল, এমিনো এচিড আৰু উচ্চ প্ৰমাণত এন্টিঅক্সিডেন্ট থাকে, যিয়ে শৰীৰৰ কোষ সজীৱ আৰু সুৰক্ষিত ৰাখে। এই চাহে মগজুৰ কাৰ্যক্ষমতা উন্নত কৰাৰ লগতে দেহৰ প্ৰদাহ হ্ৰাস কৰে, যিয়ে কৰ্কট ৰোগৰ আশংকা হ্ৰাসত সহায় কৰে।

কেনেকৈ প্ৰস্তুত কৰিব:
এটা কাপত গৰম পানীৰ লগত মাচা গুঁড়ি ভালদৰে মিহলাই লওক। আন এটা কাপত অলপ ব্ৰাউন চুগাৰ উতলাই লওক। পিছত এই দুয়ো মিশ্ৰণ একেলগ কৰি ধীৰে-ধীৰে কম জুইত লৰাব। ইচ্ছা হ’লে গাখীৰো যোগ কৰিব পাৰি।

২. গ্ৰীণ স্মুদি (Green Smoothie)

শাক-পাচলিত সমৃদ্ধ এই পানীয়ত থাকে ভিটামিন এ, চি, ই, লগতে পটাছিয়াম, কেলচিয়াম, আৰু আঁহ। এই সকলো উপাদানে শৰীৰৰ ৰোগ প্ৰতিৰোধ ক্ষমতা উল্লেখযোগ্যভাৱে বৃদ্ধি কৰে।

কেনেকৈ প্ৰস্তুত কৰিব:
গৰম পানীৰে পৰিষ্কাৰ কৰা পেলেং শাক,কল, টিয়ঁহ আৰু অলপ আদা একেলগে মিক্সাৰত মিহলাই গ্ৰীণ স্মুদি প্ৰস্তুত কৰি ল’ব । ওপৰত জলকীয়াৰ গুড়ি ছটিয়াই দিলে সোৱাদ আৰু উপকাৰিতা দুয়োটা বাঢ়িব।

৩. হালধি গাখীৰ (Turmeric Milk)

হালধিত থকা কাৰকুমিন নামৰ যৌগে কিছুমান ধৰণৰ কোষ বৃদ্ধিৰ প্ৰক্ৰিয়া ধ্বংস কৰে। জলকীয়া আৰু দালচেনিৰ সৈতে মিহলি কৰিলে ই শক্তিশালী প্ৰাকৃতিক ৰোগ-প্ৰতিৰোধক হিচাপে কাম কৰে।

কেনেকৈ প্ৰস্তুত কৰিব:
গাখীৰ—গৰুৰ, বা অট/আলমণ্ড—ত এটা চামুচ গুঁড়া হলুদ, গোটা জলুক আৰু অলপ দালচেনি মিহলাই উতলাব। এই মিশ্ৰণ সিজোৱাৰ পিছত কিছুমান প্ৰাকৃতিক উপাদান সক্ৰিয় হৈ উঠে, যিয়ে শৰীৰৰ অভ্যন্তৰীণ সুৰক্ষাক শক্তিশালী কৰে।

যদি এই পানীয়বোৰ দৈনন্দিন অভ্যাসত পৰিণত কৰা যায়, তেন্তে কিছুমান জটিল ৰোগ—বিশেষকৈ কেন্সাৰ—ৰ আশংকা বহুলাংশে হ্ৰাস পায়। গৱেষকসকলে কয় যে ৰোগ প্রতিষেধকৰ বাবে কেৱল চিকিৎসাই নহয়, খাদ্যাভ্যাসো সমানে গুৰুত্বপূৰ্ণ।