ৰাষ্ট্ৰীয় ঘাইপথেৰে অহা সামগ্ৰী ভৰ্তি বাহন ৰখাই ড্ৰাইভাৰ-হেন্দিমেনৰ হাত ভৰি বান্ধি পথৰ কাষত পেলাই দি সামগ্ৰী সহ বাহন লৈ উধাও হোৱা ডকাইতৰ দল এটাক আৰক্ষীয়ে আটক কৰিছে।
গোৱালপাৰা জিলাৰ দুধনৈ থানাৰ ভাৰপ্ৰাপ্ত আৰক্ষী বিষয়া মুকুট কাকতিৰ নেতৃত্বত চলা এক বৃহৎ অভিযানৰ অন্তত আব্দুল হালিম আৰু আলী নামৰ দুজন লোকক এই ঘটনাৰ লগত জড়িতৰ অভিযোগত গ্ৰেপ্তাৰ কৰে।
দক্ষিণ কামৰূপৰ ছয়গাঁৱৰ হাতীচলা পামৰ পৰা গ্ৰেপ্তাৰ কৰা কুখ্যাত ডকাইত দুজন হৈছে আব্দুল হালীম আৰু আলী। এই দুয়োজনৰ পৰা আৰক্ষীয়ে ৬২ টিন কাজু উদ্ধাৰ কৰাৰ লগতে জব্দ কৰে ডকাইতিত ব্যৱহৃত দুখন পিকআপ ভেন আৰু এখন বাইক।
গোৱালপাৰাৰ জিলাখনৰ ৰাষ্ট্ৰীয় ঘাইপথত এনেধৰণে বহুকেইখন সামগ্ৰী ভৰ্তি বাহন হাইজেক কৰিছিল ডকাইথৰ এই দলটোৱে।
উল্লেখ্য যে কিছু দিন পূৰ্বে ১৭ নং ৰাষ্ট্ৰীয় ঘাইপথৰ চৰাইমাৰীৰ পৰা নিশা হাইজেক হৈছিল এখন কাজু বাদাম ভৰ্তি পিকআপ ভান। ভক্তভুগিয়ে লগে-লগে দুধনৈ থানাত এজাহাৰ দাখিল কৰে।
এই এজাহাৰৰ ভিত্তিতে আৰক্ষীয়ে উক্ত ডকাইত দুজনক গ্ৰেপ্তাৰ কৰে যদিও এতিয়াও দলটোৰ বহু কেইজন সদস্যক আটক কৰিবলৈ আছে।