গোৱালপাৰাৰ দুধনৈত উদ্ধাৰ হৈ আছে ইখনৰ পিছত সিখন বাইক৷এটা পষেকৰ ভিতৰত দুধনৈৰ আৰক্ষী উদ্ধাৰ কৰিবলৈ সক্ষম হৈছিল ১১১ খন বাইক আৰু আটক কৰিছিল ২৮ জনকৈ বাইক চোৰ ৷
শেহতীয়াকৈ দুধনৈ আৰক্ষীৰ এই বৃহৎ সফলতাই অসম আৰক্ষীৰ ইতিহাসত এক নজিৰ সৃষ্টি কৰিবলৈ সক্ষম হৈছে৷
ইতিমধ্যে এই সফলতাৰ বাবে ৰাজ্যখনৰ মুখ্যমন্ত্ৰীৰ লগতে আৰক্ষীৰ সঞ্চালক প্ৰধানে বাহবাহ দিছো অসম আৰক্ষীৰ বাবে সম্ভৱতঃ এইটোৱে অসমৰ বৃহৎ সফলতা৷
দুধনৈৰ আৰক্ষীৰ বিষয়া মুকুট কাকতিৰ নেতৃত্বত এটা পষেকৰ জুৰি চলা এই অভিযানত কামৰূপ,গোৱালপাৰা,শালমাৰা আৰু চুবুৰীয়া ৰাজ্য মেঘালয়ৰ পূৱ গাৰোপাহাৰ,পশ্চিম গাৰোপাহাৰ আৰু উত্তৰ গাৰোপাহাৰৰ পৰা উদ্ধাৰ কৰা হৈছিল সৰ্ব মুঠ ১১১ বাইক৷
আন্তঃৰাজ্যিক বাইক চুৰি চক্ৰৰ লগত জৰিত ২৮ জন চোৰক ইতিমধ্যে আৰক্ষীয়ে আটক কৰিবলৈ সক্ষম হৈছে৷
বাইক চোৰৰ স্বীকাৰোক্তিৰ ভিত্তিত আৰক্ষীৰ অভিযান অব্যহত ৰাখিছে৷
জিলা খনৰ আৰক্ষী অধীক্ষক গৰাকীয়ে জানিবলৈ দিয়া মতে অচিৰেই আৰু অধিক বাইক আৰক্ষীয়ে উদ্বাৰ কৰিবলৈ সক্ষম হ’ব৷
অকল এয়াই নহয় দুধনৈ আৰক্ষী থানাৰ ভাৰপ্ৰাপ্ত বিষয়া গৰাকীয়ে বিগত দুটা বছৰত অপহৰণ আৰু ডকাইতিৰ দৰে কেইবাটাও ঘটনাৰ সন্মুখৰ পৰা নেতৃত্বত দিছিল ৷
এতিয়া প্ৰতি দিনে নিজৰ হেৰোৱা দুচকীয়া বহন বিচাৰি বহু লোকে ভিৰ কৰে দুধনৈ আৰক্ষী থানাত।