ৰাজ্য তথা অসমত ৰাষ্ট্ৰীয় স্বাস্থ্য অভিযানৰ (NHM) জৰিয়তে দৈনিক যোগান ধৰা, ভেজাল দৰৱ ৰোধ, অসমৰ সাধাৰণ ৰোগীক গিনিপিগ সজোৱা আৰু দৰৱ সমূহ বিতৰণৰ পূৰ্বে পৰীক্ষা কৰাৰ দাবীত আজি বিশ্বনাথ চাৰিআলিত দুৰ্নীতি বিৰোধী যুৱ শক্তি অসমে ব্যতিক্ৰমী প্ৰতিবাদ সাব্যস্ত কৰে।
বিশ্বনাথ চাৰিআলিৰ ক্লক টাৱাৰৰ সমীপত ৰাজ্য চৰকাৰৰ স্বাস্থ্য বিভাগৰ প্ৰতি ক্ষোভ ওজাৰে সংগঠনটোৱে | সংগঠনটোৰ নেতৃত্বত আজি বিয়লি ভাগত অসমৰ সাধাৰণ ৰোগীক গিনিপিগ সজোৱা বন্ধ কৰা, মন্ত্ৰী, মূখ্য অধীক্ষক আৰু অধীক্ষকৰ তদন্তলৈ অনা আৰু ৰাজ্যখনক প্ৰসূতি-নৱজাতকৰ মৃত্যু ৰোধ কৰা, ভেজাল দৰৱ যোগানকাৰী কোম্পানীক ব্লেকলিষ্টেড কৰা, দৰৱ সমূহ বিতৰণৰ পূৰ্বে পৰীক্ষা কৰাৰ বাবে দাবী জনোৱাৰ লগতে ‘ভেজাল দৰৱ ৰোধায় নম:’ যজ্ঞ আৰু আহুতি দিয়া প্ৰতিবাদী কাৰ্যসূচী ৰূপায়ণ কৰে।