Multi Constituency Remote EVM নিৰ্বাচন আয়োগে ৰিম’ট ভোটদান প্ৰক্ৰিয়া আৰম্ভ কৰাৰ পৰিকল্পনা কৰিছে। ফলস্বৰূপে, আন ৰাজ্যত বাস কৰা ভোটাৰসকলে তেওঁলোকৰ নিজৰ ৰাজ্যত ভোট দিবলৈ আহিব নালাগিব। ভোটাৰসকলে বাহিৰত বহি থাকিয়েই ভোট দিব পাৰিব।
ভাৰতৰ নিৰ্বাচন আয়োগে আৰভিএম (ৰিম’ট ভোটিং মেচিন)ৰ জৰিয়তে এক দূৰৱৰ্তী ইলেক্ট্ৰনিক ভোটিং প্ৰক্ৰিয়া আৰম্ভ কৰাৰ পৰিকল্পনা কৰিছে। ইতিমধ্যে বিভিন্ন ৰাজনৈতিক দলৰ পৰা মতামত বিচৰা হৈছে। আয়োগে ১৬ জানুৱাৰীত এই সন্দৰ্ভত এটা ডেমনষ্ট্ৰেশ্যন দিবলৈ আগবাঢ়িছে।
লগতে পঢ়ক: ‘উচটনিমূলক ভাষণ’ৰ বাবে শলঠেকত প্ৰজ্ঞা সিং ঠাকুৰ; সাংসদগৰাকীৰ বিৰুদ্ধে ৰুজু গোচৰ
যিসকলে কাম বা অন্যান্য কাৰণত তেওঁলোকৰ সমষ্টিৰ বাহিৰত আছে নিৰ্বাচন আয়োগে তেওঁলোকৰ বাবে এনে চিন্তা-চৰ্চা কৰি আছে। সেয়ে তেওঁলোকে ১৬ জানুৱাৰী তাৰিখে বিভিন্ন ৰাষ্ট্ৰীয় আৰু আঞ্চলিক দলক আমন্ত্ৰণ জনাইছে। যদি এই প্ৰদৰ্শনৰ পিছত তেওঁলোকৰ কোনো আপত্তি থাকে তেওঁলোকে ৩১ জানুৱাৰীৰ ভিতৰত সেয়া জনাব পাৰিব।
স্বাভাৱিকতে, এইটো এটা অতি গুৰুত্বপূৰ্ণ চিন্তা হিচাপে বিবেচিত হৈছে। কিয়নো যি বৃত্তিৰেই নহওঁক কিয়, যিসকল প্ৰব্ৰজনকাৰী লোক আছে তেওঁলোকৰ বহুতে ভোট দিবলৈ তেওঁলোকৰ গৃহ ৰাজ্যলৈ ঘূৰি আহিব নোৱাৰে।
২০১৯ৰ পৰিসংখ্যাই দেখুৱাইছে যে প্ৰায় ৬৭.৪ শতাংশ লোকে ভোট দিছিল। অৰ্থাৎ প্ৰায় ৩০ শতাংশ লোকে ভোটদানৰ অধিকাৰ প্ৰয়োগ কৰিব নোৱাৰিলে। নিৰ্বাচন আয়োগে নিজেই ট্ৰেক কৰি চোৱাৰ পিছত ইয়াৰ ওপৰত ভিত্তি কৰি মাল্টি-কনষ্টিটিউন্সি ইলেক্ট্ৰনিক ভোটিং মেচিন সৃষ্টি কৰিছে আৰু অহা বছৰৰ ১৬ তাৰিখে তাৰ প্ৰদৰ্শন কৰা হ’ব ।
লগতে পঢ়ক: Fight in Flight: কলকাতা-বেংকক বিমানত মাজ আকাশতে মাৰপিটত লিপ্ত যাত্ৰী; চাওক ভাইৰেল ভিডিঅ’
অৱশ্যে, আয়োগে এই সন্দৰ্ভত কিছুমান প্ৰত্যাহ্বানমূলক বিষয়ো মনত ৰাখিব লগা হৈছে। সেইবোৰৰ ভিতৰত প্ৰশাসনিক প্ৰত্যাহ্বানকে ধৰি কেইবাটাও কাৰিকৰী বিষয়ো বিবেচনাধীন হৈ আছে। একেদৰে, আইনৰ ক্ষেত্ৰত কেইবাটাও সংশোধনৰ প্ৰয়োজন, যাৰ ভিতৰত আছে ১৯৫০ আৰু ৫১ৰ আৰ পি আইন তথা নিৰ্বাচনী নিয়মাৱলী ১৯৬১ আৰু ১৯৬০ৰ নিৰ্বাচক পঞ্জীয়ন নিয়ম অন্যতম।