কংগ্ৰেছ-বিজেপিৰ প্ৰাৰ্থীসকলৰ শিক্ষাগত অৰ্হতা; বিজেপিৰ তিনিজন প্ৰাৰ্থী মেট্ৰিকলৈ পঢ়া

বিজেপি নেতৃত্বাধীন ৰাজ্য চৰকাৰখনে পঞ্চায়ত নিৰ্বাচন খেলিবৰ বাবে প্ৰাৰ্থীৰ নিৰ্ধাৰিত শিক্ষাগত অৰ্হতা ধৰি দিয়াৰ বিপৰীতে লোকসভা নিৰ্বাচনত দেখা গৈছে তেনেই কম শিক্ষিত প্ৰাৰ্থীৰ ৰাষ্ট্ৰীয় ৰাজনীতি গমনৰ প্ৰয়াস।

বিজেপি চৰকাৰখনে অসম পঞ্চায়ত আইনৰ সংশোধন ঘটাই জিলা পৰিষদৰ সদস্যৰ বাবে সাধাৰণ বৰ্গৰ প্ৰাৰ্থীৰ শিক্ষাগত অৰ্হতাৰ নিম্নতম উচ্চতৰ মাধ্যমিক নিৰ্ধাৰণ কৰি দিয়াৰ বিপৰীতে একেই বিজেপি দলে লোকসভা নিৰ্বাচনৰ বাবে টিকট দিয়া ১০জনৰ ভিতৰত তিনিজনকৈ মেট্ৰিকৰ ডেওনালৈকে পঢ়া লোক। গুৱাহাটী সমষ্টিৰ কুইন ওজা, ডিব্ৰুগড় সমষ্টিত ৰামেশ্বৰ তেলী আৰু লখিমপুৰত প্ৰদান বৰুৱাৰ প্ৰকৃত শিক্ষাগত অৰ্হতা মেট্ৰিকৰ ডেওনা।

অৱশ্যে মেট্ৰিক পাছ কৰাৰ পিছত প্ৰদান বৰুৱাই ডিব্ৰুগড় পলিটেকনিকত মেকানিকেল ইঞ্জিনিয়াৰিঙৰ ডিপ্ল’মা ক’ৰ্ছ কৰিছে। একেদৰে কুইন ওজাই এটা Bachelor’s Preparatory Program কৰিছে বুলি উল্লেখ কৰিছে।

কংগ্ৰেছৰো লখিমপুৰ সমষ্টিৰ প্ৰাৰ্থী অনিল গোহাঁইৰ শিক্ষাগত অৰ্হতা একেই। মেট্ৰিকৰ ডেওনা।

লোকসভা নিৰ্বাচনত অৱতীৰ্ণ হোৱা ৰাজ্যৰ মূল দলকেইটাৰ প্ৰাৰ্থীকেইজনৰ শিক্ষাগত অৰ্হতাৰ তলত তুলনামূলক উপস্থাপন দিয়া হ’ল-

দল/প্ৰাৰ্থী                                                          শিক্ষাগত অৰ্হতা

১। কৰিমগঞ্জ

(কংগ্ৰেছ) স্বৰূপ দাস                                       স্নাতক (কলা)

(বিজেপি) কৃপানাথ মল্লা                                  স্নাতক (বিজ্ঞান)

২। শিলচৰ

(কংগ্ৰেছ) সুস্মিতা দেব                                    স্নাতকোত্তৰ (আইন, লণ্ডন য়ুনিভাৰ্ছিটি)

(বিজেপি)ৰাজদীপ ৰয়                                    স্নাতকোত্তৰ (শল্যচিকিৎসা, দাণ্ডি য়ুনিভাৰ্ছিটি, য়ু কে)

৩। স্বায়ত্তশাসিত জিলা

(কংগ্ৰেছ) বীৰেনচিং ইংতি                                 স্নাতকোত্তৰ, এল এল বি

(বিজেপি)হৰেনচিং বে’                                      স্নাতকোত্তৰ (বিজ্ঞান)

৪। ধুবুৰী

(কংগ্ৰেছ) আবু তাহেৰ বেপাৰী                              স্নাতকোত্তৰ

(অগপ)জাবেদ ইছলাম                                        স্নাতক

(এ আই য়ু ডি এফ)বদৰুদ্দিন আজমল                  ফাজিল পৰীক্ষা (উঃ মাঃ সমতুল্য)

৫। কোকৰাঝাৰ

(কংগ্ৰেছ) শব্দ ৰাভা                                           স্নাতক (কলা), এল এল বি

(বি পি এফ) প্ৰমীলাৰাণী ব্ৰহ্ম                             স্নাতক (কলা)

(নিৰ্দলীয়) নৱ শৰণীয়া                                       উচ্চতৰ মাধ্যমিক

(চি পি আই (এম)) বিৰাজ ডেকা                         স্নাতকোত্তৰ (কলা)

৬। বৰপেটা

(কংগ্ৰেছ) আব্দুল খালেক                                  স্নাতকোত্তৰ (কলা)

(অগপ)কুমাৰ দীপক দাস                                  স্নাতক (বিজ্ঞান), এল এল বি

(এ আই য়ু ডি এফ)ৰফিকুল ইছলাম                   স্নাতকোত্তৰ (কলা), পি এইচ্ছ ডি

৭। গুৱাহাটী

(কংগ্ৰেছ) ববিতা শৰ্মা                                    স্নাতকোত্তৰ (কলা)

(বিজেপি)কুইন ওজা                                     হাইস্কুল শিক্ষান্ত উত্তীৰ্ণ

(নিৰ্দলীয়)উপমন্যু হাজৰিকা                         এল এল বি

(নিৰ্দলীয়)জোনমণি খাউণ্ড                           স্নাতকোত্তৰ (আইন)

৮। মঙলদৈ

(কংগ্ৰেছ) ভুৱনেশ্বৰ কলিতা                         স্নাতকোত্তৰ (কলা), এল এল বি

(বিজেপি)দিলীপ শইকীয়া                           স্নাতক (বাণিজ্য)

৯। তেজপুৰ

(কংগ্ৰেছ) এম জি ভি কে ভানু                      স্নাতকোত্তৰ (ইঞ্জিনীয়াৰিং)

(বিজেপি)পল্লৱলোচন দাস                          স্নাতক (বাণিজ্য)

১০। নগাওঁ

(কংগ্ৰেছ) প্ৰদ্যুৎ বৰদলৈ                           স্নাতকোত্তৰ (কলা)

(বিজেপি)ৰূপক শৰ্মা                                স্নাতক (বাণিজ্য)

১১। কলিয়াবৰ

(কংগ্ৰেছ) গৌৰৱ গগৈ                              স্নাতকোত্তৰ (কলা)

(অগপ)মণিমাধৱ মহন্ত                            স্নাতকোত্তৰ (কলা)

১২। যোৰহাট

(কংগ্ৰেছ) সুশান্ত বৰগোহাঁই                         স্নাতক (কলা)

(বিজেপি)তপন গগৈ                                  স্নাতকোত্তৰ (কলা), এল এল বি

১৩। ডিব্ৰুগড়

(কংগ্ৰেছ) পৱন সিং ঘাটোৱাৰ                       স্নাতক (কলা)

(বিজেপি)ৰামেশ্বৰ তেলী                               হাইস্কুল শিক্ষান্ত পৰীক্ষা উত্তীৰ্ণ

১৪। লখিমপুৰ

(কংগ্ৰেছ) অনিল বৰগোহাঁই                         হাইস্কুল শিক্ষান্ত পৰীক্ষা উত্তীৰ্ণ

(বিজেপি)প্ৰদান বৰুৱা                                মেকানিকেল ইঞ্জিনিয়াৰিঙৰ ডিপ্ল’মা