বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হস্পিতালৰ গাতে লাগি থকা যতিগাঁৱত আজি স্থানীয় ৰাইজে জেহাদীৰ সন্দেহত ৮ জন লোকক আটক কৰি আৰক্ষীক চমজাই দিয়ে৷
যতিগাঁৱৰ ডা৹ তোতা চৌধুৰীৰ ঘৰত ভাৰাতীয়া হিচাপে আছিল এই লোকসকল৷
স্থানীয় ৰাইজে জানিবলৈ দিয়া মতে আজি ঈদৰ সমূহীয়া নামাজ পঢ়াৰ সময়ত এই লোকসকলে উক্ত ঘৰটোত এক আলোচনাত মিলিত হৈছিল৷
এই কাৰ্য প্ৰত্যক্ষ কৰি লোককেইজনৰ ওপৰত ৰাইজৰ সন্দেহ হোৱাত সোধপোছ কৰোতে ৰাইজৰ ওপৰত আক্ৰমণ কৰে৷ এই আক্ৰমণত কেইবাজনো লোক আহত হয়৷
ৰাইজে লগে লগে এই ঘটনা সন্দৰ্ভত আৰক্ষীক খবৰ দিয়াত আৰক্ষীয়ে লোককেইজনক আটক কৰি থানালৈ লৈ যায়৷ আটকাধীন লোককেইজন বৰপেটা আৰু বঙাইগাঁও জিলাৰ বুলি জানিব পৰা গৈছে৷
জানিব পৰা মতে আটকাধীন লোককেইজন আহমেদীয়া মুছলিম জামাতৰ সদস্য৷ এওঁলোক ধৰ্মীয় প্ৰচাৰক বুলি জানিব পৰা গৈছে৷
ৰাইজে লোককেইজনক জেহাদী কাৰ্যকলাপৰ সৈতে জড়িত থকাৰ সন্দেহ কৰিছে যদিও আৰক্ষীৰ তদন্ততহে আটকাধীন লোক কেইজন জেহাদী কাৰ্যকলাপৰ সৈতে জড়িত হয় নে নহয় জানিব পৰা যাব৷
