আৰু আঠগৰাকী ক’ভিড১৯ ৰোগীয়ে অসমত প্ৰাণ হেৰুৱাইছে, দেওবাৰলৈকে মৃতকৰ সংখ্যা ৩৬০লৈ বৃদ্ধি পাইছে।
শেহতীয়াকৈ মৃত্যু হোৱা লোককেইগৰাকী হৈছে— শিৱসাগৰৰ শংকৰ শৰ্মা (৫৮) আৰু মধুস্মিতা বৰুৱা (৪৩), লখিমপুৰৰ মইনা দাস (৪২), নগাঁৱৰ গিৰিবালা দেৱী (৭০), কামৰূপ মহানগৰৰ প্ৰশান্ত কুমাৰ বৰঠাকুৰ (৬২) আৰু প্ৰণৱ ভৌমিক (৬২), কোকৰাঝাৰৰ হিৰন্ময় দাস (৭৩) আৰু যোৰহাটৰ ধনেশ্বৰ বৰা (৯২)।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
শনিবাৰলৈকে অসমত ৩৫২গৰাকী ব্যক্তিয়ে ক’ভিডত প্ৰাণ হেৰুৱাইছিল।
বিপৰীতে ৯৫,০৬০গৰাকী ব্যক্তিয়ে শনিবাৰলৈকে অসমত ক’ভিডৰ পৰা আৰোগ্য হৈ চিকিৎসালয় এৰিছে।
Demise of 8 Covid patients~Late Sankor Sharma(58) & Late Madhusmita Baruah(43),S’sagar; Late Maina Das(42), L’pur; Late Giribala Devi(70), Nagaon; Late Prasanta Kumar Borthakur(62) & Late Prabnab Bhiwmick(62),K’rup M; Late Hiranmoy Das (73),K’jhar; Late Dhaneswar Bora(92),Jorhat
— Himanta Biswa Sarma (@himantabiswa) September 6, 2020
অসমত শনিবাৰে সক্ৰিয় ক’ভিড ৰোগীৰ সংখ্যা আছিল ২৮,৫০৭গৰাকী।
মুঠ ১,২৩,৯২২গৰাকী ব্যক্তি অসমত শনিবাৰলৈকে ক’ভিড পজিটিভ চিনাক্ত হৈছিল।
ইয়াৰে তিনিগৰাকী আন ঠাইলৈ স্থানান্তৰিত হৈছে।
