২০১৯ বৰ্ষৰ বিশ্বকাপৰ নিউজিলেণ্ড আৰু ইংলেণ্ডৰ মাজৰ চুপাৰ অভাৰৰ কথা সকলোৱে মনত আছে।
চুপাৰ অভাৰত সুন্দৰ প্ৰদৰ্শনেৰে ইংলেণ্ডৰ জনসাধাৰণৰ নয়নৰ মণিত পৰিণত হৈছিল অলৰাউণ্ডাৰ বেন ষ্টোকছ।
২০১৯ বৰ্ষৰ বিশ্বকাপৰ ফাইনেলৰ চুপাৰ অভাৰৰ পূৰ্বে অলৰাউণ্ডাৰ বেন ষ্টোকছে গো-ধোৱা ঘৰলৈ গৈ চিগাৰেট সেৱন কৰি নিজকে চাপ মুক্ত কৰিবলৈ চেষ্টা কৰিছিল বুলি এখন কিতাপত অলপতে প্ৰকাশ পাইছে।
পূৰ্ণ চাপত দুই ঘণ্টা ২৭ মিনিট সময় ধৰি বেটিং কৰাৰ পাছত বেন ষ্টোকে গা ধুবলৈ গৈছিল আৰু এটা চিগাৰেট জ্বলাই লৈছিল বুলি কিতাপখনত প্ৰকাশ পায়।
”এই চাপৰ সময়ত শান্ত এটুকুৰা ঠাই বিচাৰি পোৱাটো কঠিন কিন্তু ষ্টোকছে লৰ্ডছৰ প্ৰতিটো চুক-কোন চিনি পায়,” শেহতীয়াভাৱে প্ৰকাশ পোৱা কিতাপখনত এইদৰে উল্লেখ কৰে।
উল্লেখযোগ্য যে, ২০১৯ বৰ্ষৰ বিশ্বকাপৰ ফাইনেলত ইংলেণ্ডে নিউজিলেণ্ডক পৰাস্ত কৰি প্ৰথমবাৰৰ বাবে বিশ্বকাপ ট্ৰফী জয় কৰিবলৈ সক্ষম হৈছিল।
আনহাতে, বৰ্তমান ইংলেণ্ড আৰু ৱেষ্ট ইণ্ডিজৰ মাজত চলি থকা টেষ্ট শৃংখলাৰ প্ৰথমখন টেষ্টত বেন ষ্টোকছে অধিনায়ক হিচাপে ইংলেণ্ডক নেতৃত্ব প্ৰদান কৰিছে যদিও ইংলেণ্ড ৱেষ্ট ইণ্ডিজৰ হাতত পৰাস্ত হয়।