হৃদৰোগত আক্ৰান্ত হৈ নলবাৰী সমষ্টিৰ প্ৰাক্তন বিধায়ক মদন কলিতাই মৃত্যুক সাৱটি লৈছে। প্ৰাক্তন বিধায়কগৰাকীৰ এনে অকাল বিয়োগ শোকস্তব্ধ হৈ পৰিছে তেওঁৰ গুণগ্ৰাহীসকল।
প্ৰাক্তন বিধায়ক মদন কলিতা যোৱা নিশা হৃদৰোগত আক্ৰান্ত হোৱাৰ পিছতে চিকিৎসাৰ ব্যৱস্থা কৰা হৈছিল যদিও তেওঁৰ মৃত্যু ঘটে।
উল্লেখ্য প্ৰয়াত কলিতাই ২০০১ চনত নলবাৰী সমষ্টিৰ পৰা বিধায়ক হিচাবে নিৰ্বাচিত হৈছিল ।
২০০১ চনৰ পৰা ২০০৬ চনলৈ নলবাৰী সমষ্টিৰ কংগ্ৰেছী বিধায়ক আছিল তেওঁ সমষ্টিটোক প্ৰতিনিধিত্ব কৰিছিল৷
২০০৬ ৰ নিৰ্বাচনত অগপৰ অলকা শৰ্মাৰ হাতত পৰাজিত হৈছিল তেওঁ ৷
২০১১ চনৰ নিৰ্বাচনৰ সময়ত কংগ্ৰেছে কলিতাক টিকটৰ নিদিয়াত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিছিল আৰু পৰাজিত হৈছিল৷
নিৰ্বাচনত পৰাজিত হোৱাৰ পিছত তেওঁ অগপ দলত যোগদান কৰিছিল৷ প্ৰাক্তন বিধায়কগৰাকীৰ মৃত্যুত বিভিন্ন জনে শোক প্ৰকাশ কৰি শোক প্ৰস্তাৱ প্ৰেৰণ কৰিছে।