কোভিডৰ চতুৰ্থ ঢৌৱে জোকাৰি গৈছে ভাৰতক। এনে সময়তে কোভিডৰ বুষ্টাৰ ডজ প্ৰদানৰ কামো সমানে চলি আছে। কিন্তু এতিয়াও বহু লোকে কোভিডৰ বুষ্টাৰ যজ লাভ কৰা নাই। ৰাজধানী চহৰ নতুন দিল্লীতে কোভিডৰ বুষ্টাৰ ডজ বহুতে পোৱা নাই।
এনে সময়তে কোভিডৰ অধিক বুষ্টাৰ ডজৰ পোষকতা কৰিছে দিল্লীৰ বিশেষজ্ঞ চিকিৎসকে।
লোক নায়ক জয় প্ৰকাশ নাৰায়ণ (এলএনজেপি) চিকিৎসালয়ৰ এমডি ডাঃ সুৰেশ কুমাৰে শনিবাৰে কোভিডৰ বৃদ্ধিত উদ্বেগ প্ৰকাশ কৰি ৰাইজক বুষ্টাৰ পালি গ্ৰহণ কৰিবলৈ আহ্বান জনাইছে।
তেওঁ সকলোকে কোভিড প্ৰটোকল অনুসৰণ কৰিবলৈও আহ্বান জনায়। ড০ কুমাৰে কয়, “দিল্লীত কোভিডৰ ঘটনা বৃদ্ধি পাইছে, চিকিৎসালয়ত ভৰ্তি হোৱাৰ লগতেপজিটিভিৰ হাৰ বৃদ্ধি পাইছে। ৫১ জন কোভিড ৰোগীক এলএনজেপিত ভৰ্তি কৰোৱা হৈছে আৰু প্ৰতিদিনে ১৪-১৫ গৰাকী লোক আক্ৰান্ত হৈছে। এয়া চিন্তাৰ চিন্তাৰ বিষয়।” তেওঁৰ মতে, চিকিৎসালয়ত ভৰ্তি হোৱা মুঠ ৰোগীৰ ভিতৰত এজন ৰোগী সংকটজনক আৰু বেছিভাগ ৰোগী অক্সিজেনত থকাৰ লগতে তেওঁক ভেণ্টিলেটৰত ৰখা হয়।
যেতিয়াই ইতিবাচকৰ হাৰ ১০ শতাংশতকৈ অধিক হয় তেতিয়াই এয়া নিশ্চিতভাৱে চিন্তাৰ বিষয় বুলি তেওঁ কয়। বুষ্টাৰ পালি সকলোৰে বাবে অতি আৱশ্যক বুলি তেওঁ মন্তব্য কৰে।