যাত্ৰীসকলৰ অতিৰিক্ত ভিৰ নিয়ন্ত্ৰণ কৰাৰ অৰ্থে, ২০২৪ ৰ আগষ্ট মাহৰ প্ৰথম সপ্তাহৰ পৰা দুযোৰ সাপ্তাহিক বিশেষ ৰেলৰ, উভয় দিশত চাৰিটা ট্ৰিপৰ বাবে ৰেল নং ০৩০২৭/০৩০২৮ (হাওড়া – নিউ জলপাইগুড়ী-হাওড়া) আৰু ৰেল নং. ০৩১০৫/০৩১০৬ (শিয়ালদহ – জাগীৰোড – শিয়ালদহ)পাঁচটা ট্ৰিপৰ বাবে সেৱাসমূহ অব্যাহত ৰখাৰ সিদ্ধান্ত লোৱা হৈছে। এই ৰেলসমূহ বিদ্যমান সেৱাৰ দিন, সময় আৰু ষ্টপেজৰ দিনৰ সৈতে চলাচল কৰিব।
সেই অনুসৰি, ৰেল নং ০৩০২৭ (হাওড়া – নিউ জলপাইগুড়ী) সাপ্তাহিক বিশেষ ৰেলখন ০৭আগষ্টৰ পৰা ২৮আগষ্ট, ২০২৪লৈ প্ৰতি বুধবাৰে ২৩:৫৫ বজাত হাওড়াৰ পৰা প্ৰস্থান কৰি পৰৱৰ্তী দিনা ১০:৪৫বজাত নিউ জলপাইগুড়ীত গৈ উপস্থিত হব।
উভতনি যাত্ৰাৰ দিশত, ৰেল নং. ০৩০২৮ (নিউ জলপাইগুড়ী – হাওড়া) সাপ্তাহিক বিশেষ ৰেলখন ০৮আগষ্টৰ পৰা ২৯আগষ্ট, ২০২৪লৈ প্ৰতি বৃহস্পতিবাৰে ১২:৪৫বজাত নিউ জলপাইগুড়ীৰ পৰা প্ৰস্থান কৰি পৰৱৰ্তী দিনা ০০:১০বজাত হাওড়াত গৈ উপস্থিত হব।
ইয়াৰ উভয় দিশৰ যাত্ৰাৰ সময়ত বিশেষ ৰেলখন কিষাণগঞ্জ, মালদা টাউন, আজিমগঞ্জ, কাটৱা আৰু বান্দেল আদি ষ্টেচন হৈ চলাচল কৰিব।
ৰেল নং. ০৩১০৫ (শিয়ালদহ – জাগীৰোড) সাপ্তাহিক বিশেষ ৰেলখন ০২আগষ্টৰ পৰা ৩০আগষ্ট, ২০২৪লৈ প্ৰতি শুক্ৰবাৰে ৯:০০বজাত শিয়ালদহৰ পৰা প্ৰস্থান কৰি পৰৱৰ্তী দিনা ০৬:৩০বজাত ইয়াৰ গন্তব্য স্থান জাগীৰোডত গৈ উপস্থিত হ’ব।
উভতনি যাত্ৰাৰ দিশত, ৰেল নং ০৩১০৬ (জাগীৰোড – শিয়ালদহ) সাপ্তাহিক বিশেষ ৰেলখন ০৩ আগষ্টৰ পৰা ৩১আগষ্ট, ২০২৪লৈ প্ৰতি শনিবাৰে ১৩:০০বজাত জাগীৰোডৰ পৰা প্ৰস্থান কৰি পৰৱৰ্তী দিনা ১৩:০০বজাত ইয়াৰ গন্তব্য স্থান শিয়ালদহত গৈ উপস্থিত হ’ব।
বিশেষ ৰে’লখন ইয়াৰ উভয় যাত্ৰা পথত গুৱাহাটী, গোৱালপাৰা টাউন, নিউ বঙাইগাঁও, নিউ আলিপুৰদুৱাৰ, নিউ জলপাইগুড়ী, কিষাণগঞ্জ, মালদা টাউন, জাংগীপুৰ ৰোড, আজিমগঞ্জ, বান্দেল, নৈহাটি হৈ চলাচল কৰিব।
এই পথসমূহত চলাচল কৰা অন্যান্য ৰেলৰ প্ৰতীক্ষা সূচীত থকা যাত্ৰীসকলে আৰামদায়ক যাত্ৰাৰ বাবে এই সেৱাসমূহ লাভ কৰিব পাৰিব।
এই ৰেলসমূহৰ ষ্টপেজ আৰু সময়ৰ বিৱৰণ আইআৰচিটিচি ৱেবছাইটত আৰু উত্তৰ পূব সীমান্ত ৰে’লৱেৰ ছ’চিয়েল মিডিয়া প্লেটফৰ্মতো উপলব্ধ আছে। যাত্ৰীসকলক তেওঁলোকৰ যাত্ৰা আৰম্ভ কৰাৰ পূৰ্বে উক্ত বিস্তৃত তথ্য অৱলোকন কৰিবলৈ অনুৰোধ কৰা হৈছে।
