সাৱধান! গুৱাহাটী মহানগৰীত এইবাৰ ভুৱা হৃদৰোগ বিশেষজ্ঞ, চৰ্মৰোগ বিশেষজ্ঞ, আৰক্ষীৰ জালত এজন
ক’ৰ’নাতংকই গ্ৰাস কৰা অসমৰ অৰঙে-দৰঙে ভিৱা চিকিৎসকে বহুতৰে জীৱনলৈ কাল অমানিশা নমাই অনাটো নতুন কথা নহয়।
গুৱাহাটী মহানগৰীৰ দৰে শিক্ষিত লোকৰে ভৰা মহানগৰীতো ভুৱা চিকিৎসকে নিৰ্বিঘ্নে দপদপাই থকাৰ কথাই এতিয়া বহুতৰে চকু থৰ লগাইছে।
𝙂𝙤𝙤𝙙 𝙅𝙤𝙗 𝙏𝙚𝙖𝙢 𝙒𝙚𝙨𝙩 !!!
Fake Doctor practicing as Cardiologist with a private hospital under Fatasil Ambari PS arrested yesterday night. Another fake Dermatologist was nabbed from Maligaon few days ago. @assampolice pic.twitter.com/RnK1W1NWEo— Guwahati Police (@GuwahatiPol) June 12, 2021
আচৰিত কথাটো হ’ল গুৱাহাটী মহানগৰীৰ এখন ব্যক্তিগত খণ্ডৰ চিকিৎসালয়তে এনে ভুৱা চিকিৎসকে ৰোগীৰ ‘চিকিৎসা’ কৰি থকাৰ কথাই ভয়ংকৰ বিপদৰ আগজাননী দিছে।
শেহতীয়াকৈ গুৱাহাটী মহানগৰ আৰক্ষীয়ে অভিযান চলাই এনে এজন ভুৱা চিকিৎসকক গ্ৰেপ্তাৰ কৰিবলৈ সক্ষম হৈছে।
অসম আৰক্ষীয়ে বিভাগীয় টুইটাৰত প্ৰকাশ কৰা মতে যোৱা নিশা আৰক্ষীয়ে অভিযান চলাই মহানগৰীৰ ফটাশিল আমবাৰীৰ পৰা এজন ভুৱা চিকিৎসকক গ্ৰেপ্তাৰ কৰে।
আৰক্ষীয়ে নাম প্ৰকাশ নকৰা ভুৱা চিকিৎসক জনে নিজকে হৃদৰোগ বিশেষজ্ঞ হিচাবে পৰিচয় দি এখন ব্যক্তিগত খণ্ডৰ চিকিৎসালয়ত ৰোগী চাই আছিল।শেহতীয়াকৈ জানিব পৰা মতে ধৃত ভুৱা চিকিৎসক জনৰ নাম অমিত সেনগুপ্তা। লোকজনক ২০২০ চনতো একে অভিযোগতে গ্ৰেপ্তাৰ কৰা হৈছিল বুলি জানিব পৰা গৈছে।
আৰক্ষীয়ে কিছুদিন পূৰ্বে মহানগৰীৰ মালিগাঁৱৰ পৰাও এজন ভুৱা চৰ্মৰোগ বিশেষজ্ঞক গ্ৰেপ্তাৰ কৰিবলৈ সক্ষম হৈছিল।